আপডেট:
image

লাইনিংনা লৈখা তারকপগী মতাংদা খন্ন-নৈনখ্রে

ইম্ফাল, জুন ২৯ : ধর্ম্ম ক্ষেত্রনা শিন্দুনা 'লাইনিংনা লৈখা তারকপা' হায়বা হিরমসিদা খন্ন-নৈনবগী থৌরম অমা ঙসি মণিপুর প্রেস ক্লবতা পাঙথোকখ্রে। পাঙথোকখিবা খন্ন-নৈনবগী থৌরম অদুদা নুংগী ওইবা ৱারোল পীরদুনা ধর্ম্ম ক্ষেত্রগী কনভিনর দি এল কুবুইনা ফোঙদোকখিবদা লাইনিং হায়বা ৱাহৈসি অতোপ্পা ৱাহৈনা অতোপ্পা লোল অমদা হন্দোকপদা চপ চাবা ৱাহন্থোক ফংবা ঙমদে। লাইনিং হায়বা ৱাহৈসিগী মতিক ময়াই অমদি নুংদা চেল্লিবা ঈচেল অদুদি য়াম্না পাক চাওখ্রে।

শম্না হায়রবদা পূন্সিগী অফবা লম্বীদা মচং ওইবা অশেংবা অচুম্বা মমল নাইদ্রবা মতিক ময়ায় কয়াগী তুংনফম ওইবা মঙাল অদু অচুম্বা মশক খঙনা ইশাগী থৌদাং পাঙথোকপদুবুনি। চপ চাবা লাইনিংগী মতিক ময়াইগী মশক মওং মনুঙদা চেল্লিবা ইচেল, মহাওদি তোঙাল্লি। তাবদা তুজুংনিঙাই ওইরবা নুপীমচাশিংদা মীওইবগী মীনুংশি য়াওদনা নত্তবা লিচৎ চৎতুনা হাৎতোকপা হায়বসি লৈবাক অদুদা লাইনিং লৈখা তারে হায়বগী চপ চাবা খুদম্নি।

লাইনিংনা লৈখা তারকপগী খুদমসি লৈবাক মীয়াম্না খঙদ্রগসু লৈবাক নিংথৌনদি খঙফম থোকই। তাহৈ-ঊহৈদবা থৌদোকশিং তাইবং মীনা তৌবা ওইরবসু হিংচা য়াইতম্বগী লমচৎনি হায়না লৌগনি। অসিগুম্বা মীনুংশি য়াওদবা থৌদোক-ৱাথোকশিং অসি থোকহন্দনবা অকনবা লো শেম্বা মথৌ তাই অমদি ঐখোয়গী লাইনিং লিচৎশিং অসি মপাঙ্গল কন্না থম্বা খক্তনা থৌদোকশিং অসিদগী কনবা ঙমগনি।

লাইবু লুম্না লৌজরিবশিংনা লৈবাক্কী য়াইফনবা লাইথৌ পাঙথোক্নরি। থৌরম অসি শোয়বা য়াবা থৌরম নত্তে হায়দুনা পুম্নমক্কী ফনবা ইরাৎ থৌনিশিং পাঙথোক্নরিবনি। লাইমাংদা পাঙথোকপা য়াবা য়াদবা থৌরম কয়া অমা থম্লিবনি। থৌরমশিং অসিদা অশোয়বা য়াওরবদি লৈবাক অদু অৱা-অনা নংগদৌরিবনি হায়না থাজনরি। মরম অদুনা হায়রিবা থৌরমশিং অসিগী মরমদা লাইবু থাজবা অখঙ-অহৈশিংনা খন্ন-নৈনফম থোকই হায়খি।

থৌরম অসিদা থবক্তগী পোত্থারবা এম সি এস ওফিসার শিজগুরুময়ুম বুধচন্দ্রনা থৌরম মপু ওইনা শরুক য়াখি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: