আপডেট:
image

৬০ শুবা মিষ্টর মণিপুর চীঙ্খৈঙানবনা জুনিয়র ওভারওল টাইটেল লৌখ্রে

ইম্ফাল, দিসেম্বর ০৪ :ওল মণিপুর বোদি বিল্ডার্স এসোসিয়েসন (অম্বা) না শীন্দুনা ঙসি পেলেস কম্পাউন্দদা লৈবা ভাগ্যচন্দ্র ওপেন এয়ার থিয়েটার ৬০ শুবা মিষ্টার মণিপুর ষ্টেট বোদি বিল্ডিং কন্টেষ্ট পাঙথোকখিবগা লোয়ননা রোয়েল ফিটনেস একাদেমি থৌবালগী চীঙ্খৈঙানবা অথোকপমনা জুনিয়র ওভারওল টাইটেল লৌবা ঙমখ্রে। মহাক্না জুনিয়র কাঙলূপকী কেজি ৭৫ মথক্তা অহানবা পোজিসন তাবা ঙমখি।

ফ্রেন্ডস ফিটনেস জিমগী লোংজম এলিসন মৈতৈনা জুনিয়র ওভারওল রান্নার্স আপ অদুগা আর সী সী বোদি বিল্ডিং য়াসকী রিভাল্ডো অথোকপমনা অহুমশুবা পোজিসন তাখি। মাষ্টার ওভারওলদা ফ্রেন্দস ফিটনেস জিমগী বি বেদকুমারান অহানবা, এক্স ফিটনেস ৱাঙ্খৈগী হৈস্না ফ্লাদ মঙাংনা অনীশুবা অমদি জিম অসিমক্কী লাইশ্রম মোধুনা অহুমশুবা পোজিসন তাখি। বি বেদকুমারনা মাষ্টার চহী ৪০ দগী ৫০, হৈস্নাম ফ্লাদনা চহী ৫০ দগী ৬০ অমদি লাইশ্রম মোধুনা চহী ৬০ মথক্কী কাঙলূপ্তা অহানবা পোজিসনশিং তাবা ঙমখি।

ফিজিকেল্লি চেলেঞ্জ কাঙলূপ্তা রোয়েল ফিটনেস একাদেমি থৌবালগী নাওরেম জয়ন্তনা অহানবা, বিষ্ণু জিম বিষ্ণুপুরগী অহোংবম ননাওনা অনীশুবা অমদি সুপার জিম খুরাইগী অর্বিন্দ কুমার ওইনামচানা অহুমশুবা পোজিসনশিং তাখি। জুনিয়র কাঙলূপ্তা লোয়া জিম ময়াং ইম্ফালগী এম রাহুল মৈতৈনা কেজি ৫৫, হিউমেনিটি প্লাস জিমগী অরুমবম অঙানবা মৈতৈনা কেজি ৬০, আর সী সী বোদি বিল্ডিং য়াসকী সকিবুর য়ুমখাইবমনা কেজি ৬৫, ফ্রেন্দস ফিটনেস জিমগী লোংজম এলিসন মৈতৈনা কেজি ৭০ অমদি আর সী সী বোদি বিল্ডিংগী রিভাল্ডো অথোকপমনা কেজি ৭৫ গী অহানবা পোজিসনশিং তাবা ঙমখি।

মেন স্পোর্টস ফিজিক কেটাগোরিদা আর সী সী বোদি বিল্ডিংগী ৱার্শিম চেসমনা অহানবা, বি ফিট জিম হৈরাঙ্গোইথোংগী মঙাল অরাম্বমনা অনীশুবা অমদি লাইফষ্টাইল ফিটনেস জিম সঙাইপ্রৌগী অতোম জেক্কিনা অহুমশুবা পোজিসনশিং তাখি। উইমেন্স মোদেল ফিজিক কেটাগোরিদা রোয়েল জিম্নাসিয়াম উখ্রুলগী সোলিমলা জাজোনা অহানবা, মসল ফেক্টরি ককচীংগী টি ঐচ রিশিকানা অনীশুবা অমদি গোল্ডজিম শীংজমৈগী থাজ সেরামনা অহুমশুবা পোজিসনশিং তাখি।

উইমেন্স বোদি বিল্ডিং কেটাগোরিদা ফ্রেন্দস ফিটনেস জিমগী ইঙুদম কবিতা চনুনা অহানবা, রোয়েল ফিটনেস একাদেমি থৌবালগী লৈশাংথেম সরিতানা অনীশুবা অমদি সুপার জিম খুরাইগী করিশ্মা চিংঙাংবমনা অহুমশুবা পোজিসন তাবা ঙমখি। চেম্পিয়নশিপ অসিদা তোঙান-তোঙানবা জিম ৬৬তগী লাকপা এথলিট ২৫৪ না শরুক য়াখি।

হৌদোকপগী থৌরমদা মণিপুরগী দি জি পি, পি দোঙেলনা অথোইবা মীথুংলেন, অম্বাগী প্রেসিদেন্ট এন রতননা থৌরম মপূ অদুগা মণিপুর ওলিম্পিক এসোসিয়েসনগী সেক্রেটারি সুনিল এলাংবম, য়াসকী ডিপুটি দিরেক্টর টি থৌবা, ববিনা গ্রুপসকী চেয়ারমেন কাম মেনেজিং দিরেক্টর ডা. টি ঐচ ধবলি, কোমেট স্কুলগী মেনেজিং দিরেক্টর ইরোম উমাকান্ত, ভিন্টেল ইনফ্রাকোম প্রাইভেট লিমিটেদকী দিরেক্টর ভিন্সেন্ট নামৈরাকপম অমদি ফিটনেস ৱার্ল্ডগী প্রোপ্রাইটর অঙোম কর্ণনা অখন্নবা মীথুংলেনশিং ওইনা শরুক য়াখি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু