সুশিলা চনুদা বেস্ত মিদফিল্ডার এৱার্দ লান্থোকখ্রে
নিউ দিল্লী, মার্চ ১৭ (পিটিআই) : হোক্কী ইন্দিয়াগী মঙাশুবা এন্যুয়েল এৱার্দস ২০২২ দা মণিপুরগী ওলিম্পিক্স অনীরক্তা শক উৎখ্রবী পুখ্রম্বম সুশিলা চনুদা বেস্ত মিদফিল্ডার এৱার্দ লান্থোক্তুনা ইকায়খুম্নবা ঊৎখ্রে। পুৱারী ওইনা রিও ওলিম্পিক্সতা ক্বালিফাই ওইখিবা ইন্দিয়াগী নুপী হোক্কী টিম্বু কেপ্টেন ওইনা লুচিংখিবী সুশিলা চনুনা হোক্কী ইন্দিয়া ওজিৎ পাল সিংহ এৱার্দ ফোর মিদফিল্ডার ২০২২ গী মনা অদু ফংখি। সুশিলানা লুপা লাক্ষ মঙাগী শেনগী মনাসু ফংখি।
এন্যুয়েল এৱার্দ অদুদা চহী নৌরিবা মিদফিল্ডার হার্দিক সিংহ অমসুং কুম পুরবী নুপী গোলকিপার সাভিতানা মথংশিৎনা বলবির সিংহ সেনিয়ার এৱার্দ ফোর মেল অমসুং ফিমেল প্লেয়ার ওব দি ইয়ার ২০২২ গী মনাশিং ফংনখি। লেমজনিংঙাই ওইরবা প্লেয়ার্স এৱার্দসকী উইনারশিংনা লুপা লাক্ষ ২৫/২৫ গী শেনগী মনা ফংনখি।
ঙসি মফম অসিগী অশোক হোটেলদা পাঙথোকখিবা এৱার্দ সেরেমোনি অদু ইং ২০২১ দগী ইং ২০২২ ফাওবগী এৱার্দশিংবু হরাও তয়াম্না ওক্তুনা হৌদোকখি। ইং ২০২১ গী ওইনা, ইং ১৯৫৬ ওলিম্পিক্স মেলবোর্নদা গোল্ড লৌরকখিবা ইন্দিয়া টিমদা শন্নখিবা লৈবাক অসিগী নুপা হোক্কী টিমগী লিজেন্দ অমিৎ সিংহ বক্ষিনা লেমজনিংঙাই ওইরবা মেজর ধ্যান চান্দ লাইফটাইম এচিভমেন্ত এৱার্দ ফোর দি ইয়ার ২০২১ ফংখি, অদুগা হরমপ্রিৎ সিংহ অমসুং সভিতানা মথং শিৎনা নুপা অমসুং নুপীগী হোক্কী ইন্দিয়া বলবির সিংহ সেনিয়ার এৱার্দ ফোর প্লেয়ার ওব দি ইয়ার ২০২১ এৱার্দশিং ফংনখি।
ঙসিগী থৌরম অদুদা ফিহ উইমেন্স নেসন্স কাপ স্পেন ২০২২ অমসুং সুলতান ওব জোহর কাপ ২০২২ মায় পাক্না লৌরকখিবা ইন্দিয়াগী নুপী অমসুং জুনিয়র নুপা হোক্কী টিম্বু হরাও তয়াম্না ওক্তুনা শেনগী মনাশিং পীখি। থৌরম অদুদা আম্পায়ার অমসুং টেক্নিকেল অফিসিয়েলশিংবুস মখোয়না মশান্না অসিদা তৌরিবা দানগীদমক শকখঙদুনা ইকায়খুম্নখি।
ঙসিগী থৌরম অদুদা অরোইব মনা ওইনা হোক্কী ইন্দিয়া মেজর ধ্যান চান্দ লাইফটাইম এচিভমেন্ত এৱার্দ ২০২২ লান্থোকখি। লুপা লাক্ষ ৩০ অমসুং ট্রোফিগী মনা য়াওরিবা মনা অদু মশান্না অসিদা শীংথানিংঙাই ওইনা কন্ত্রিব্যুত তৌরিবা গুরবক্স সিংহদা লান্থোকখি।
সোর্স: পোক্নফম
0 কমেন্ট:
কমেন্ট তৌবিয়ু