সাহিত্য সেবা সমিতি ককচীংগী খোরিরোলগী মনা পীনবা লাইরিক কৌরি
ইম্ফাল, জুলাই ২২ : সাহিত্য সেবা সমিতি ককচীং, মণিপুরনা চহী খুদিং গী পীবা খোরিরোলগী মনাশিংগীদমক অইবা অইবীশিংদগী লাইরিক কৌরি। সমিতি অসিনা ২০২৫ গী ওইনা পীগদৌরিবা খোরিরোলগী মনাশিং ফংগদবা লাইরিকশিং খন্নবগীদমক মণিপুর অমসুং মণিপুরগী মপান্দা লৈবা অইবা অইবীশিংনা মশা মশাগী লাইরিকশিং থাজিল্লকপা য়ারগনি হায়না সমিতি অসিগী সেক্রেতরি ক্ষেত্রিময়ূম জয়কুমারনা ফোঙদোরক্লি।
সমিতি অসিনা পীগদৌরিবা খোরিরোলগী মনাশিং অদুদি ককচীং ফৌশুপাৎ লৈকায়দগী য়াম্বেম সত্যা সিংহনা কৎপা নৈনা ৱারেং (ক্রিতিসিজম) গী লাইরিক্তা পীগদবা য়াম্বেম মণি সাহিত্য মনা, ককচীং বাজারদগী য়ান্দ্রেম্বম ওংবী তবোবীনা কৎপা নোবেল। শোর্ত স্তোরি লাইরিক্তা পীগদবা য়েন্দ্রেম্বম সুরলতা পুরস্কার, ককচীং তুরেল ৱাংমদগী কেংবা য়েংখোমনা কৎপা শৈরেং লাইরিক পীগদবা চিংখু মোইরাং লৈমা, কাবির্দাস মনা, ককচীং ময়াই লৈকায়দগী ক্ষেত্রিময়ূম চাওবা সিংহনা কৎপা অতোপ্পা লোলদগী মণিপুরীদা হন্দোকপা লাইরিকশিংদা পীগদবা ক্ষেত্রিময়ূম চাওবা ত্রান্সলেসন এৱার্দ ককচীং সুমাক লৈকায়, কৈথেল পরেংদগী সাহিত্য একাদেমী এৱার্দি ক্ষেত্রিবিরনা কৎপা মণিপুরগী মপান্দা খুন্দা লৈতাদুনা লৈখ্রবা মণিপুরী অইবীশিং খক্তদা পীগদবা ক্ষেত্রি ওংবী নলিনি দেবী নীংশিং মনা, অমেরিকাদা লৈবা দাঃ য়েন্দেম্বম সঙ্গিতা দেবীনা কৎপা দ্রামা। লমকোই ৱারী। বাইওগ্রাফি। ওতো বাইওগ্রাফি লাইরিক্তা পীগদবা য়েন্দ্রেম্বম গোদাধর নীংশিং মনানি।
লাইরিকশিং অদু কুমজা ২০২২ দগী ২০২৪ ফাওবগী মনুংদা ফোঙবা অহানাবা খুৎনমগী লাইরিক ওইগদবনি। লাইরিকশিং অদুগী কোপি ৩। ৩ চৎলিবা চহী অসিগী আগস্ত ১৭ ফাওবগী মনুংদা সাহিত্য সেবা সমিতি ককচীং মণিপুরগী সেক্রেতরি ক্ষেত্রিময়ূম জয়কুমারদা পীশিল্লক্কদবনি। অকুপ্পা মরোলগীদমক ৯৩৭৮১১৭৪৬০ দগী খঙবা য়াগনি হায়নরি।
সোর্স: পোক্নফম
0 কমেন্ট:
কমেন্ট তৌবিয়ু