শোর্ট ফিল্ম ‘দি হেবিট’ না বেষ্ট স্কৃপ্ট অমদি বেষ্ট দিরেক্টরগী মনা ফংলক্লে
ইম্ফাল, মার্চ ২৮ : বাংলাদেশত পাঙথোকপা ক্রাউন ইন্টরনেশনেল ফিল্ম এৱার্দস (সী আই এফ এ) দা শরুক য়াখিবা হেমচান্দ নিংথৌজমনা দিরেক্সন পীবা মণিপুরী শোর্ট ফিল্ম ‘দি হেবিট’ না বেষ্ট স্কৃপ্ট অমদি বেষ্ট দিরেক্টরগী মনা ফংলকখ্রে।
সী আই এফ এনা ঙরাং অথেংবদা লাউথোকখিবা ফিল্ম এৱার্দশিংগী মনুংদা মণিপুরী ফিল্ম অসি য়াওরকখিবনি। নেশনেল অমদি ইন্টরনেশনেলগী থাক্তা পাঙথোকপা ফিল্ম ফেষ্টিবেলশিংদসু এৱার্দ কয়া ফংলকখ্রবা ফিল্ম অসিনা প্লাষ্টিক পোল্যুশনগী মায়োক্তা মীয়ামদা পাউজেল পীরি। অদুগা মীওইবদা লৈবা মশা-মশাগী হৈনবীশিং অদু অফবরা নৎত্রগা ফত্তবরা হায়বদুদি মশানা খঙজদে। মশাগী হৈনবী অদুনা খুন্নাইদা অকায়বা পীরক্কদবা ওইরবদি শেমদোকহৌগদবনি হায়বগী পাউজেল পুবা অতেনবা মিনিট ১২ খক্তমক শাংবা শোর্ট ফিল্মনি।
ফিল্ম অসি এন ঐচ এম আর্ট ষ্টুদিওগী বেন্নর মখাদা পুথোকখিবনি। বাংলাদেশতা পাঙথোকখিবা সী আই এফ এ অসিদা শোর্ট ফিল্ম, দোক্যুমেন্টরি অমদি ফিচর ফিল্মগী কেটেগোরিশিংদসু তোঙান তোঙানবা লৈবাক্তগী ফিল্ম কয়ানা শরুক য়াখি হায়রি।
0 কমেন্ট:
কমেন্ট তৌবিয়ু