সাহিত্যগী লুপ অহুম্না পুল্লগা আগরতলাদা প্রো. এন তোম্বী লৈখিদবগী শোকসভা পাঙথোকখ্রে
আগরতলা, ২৮ মার্চ : মণিপুরগী শক্নাইরবা অইবা, স্কোলার অমদি ক্রিটিক প্রোঃ নোংমাইথেম তোম্বীনা লৈখিদবগী অৱাবা ফোঙবগা লোযননা শ্রদ্ধাঞ্জলি কৎপগী থৌরম অমা চৎখিবা মার্চ ২৩, খা-ধলেশ্বরদা লৈবা মণিপুরী লাইব্রেরী এন্ড রিছার্স সেন্টরদা পাঙথোকখ্রে। লময়ানবা সংস্থা, মণিপুরী সাহিত্য পরিষদ, ত্রিপুরা অমসুং মণিপুরী লিটরেরী এন্ড করচরেল ফোরাম, ত্রিপুরা লুপ অহুম্না খুৎশম্নরগা থৌরম অসি পাঙথোকখিবনি।
থৌরমদা প্রেসিডিয়াম মেম্বর ওইনা কলচরেল ফোরামগী এডভাইজর আরকে তরুণচিৎ, মণিপুরী সাহিত্য পরিষদকী মেম্বর এল কুমার, লময়ানবা সংস্থাগী এডভাইজর ডব্লিউ বীরমঙ্গল শরুক য়াদুনা ৱা ঙাংখি। থৌরমদা মরু ওইনা সাহিত্য পরিষদকী প্রেসিডেন্ট এল বীরমঙ্গল অমসুং লময়ানবা সংস্থাগী সেক্রেটারী ক্ষেত্রিময়ুম মাধবীনা লৈখিদ্রবা ওজানা পুন্সিদা ত্রিপুরাগা মরী থম্নখিবগী মরমদা ৱা ঙাংখি। পনবা য়াবদি ওজাসি চৎখিবা মার্চ তাং ১২ দা লৈখিদবনি। মার্চ তাং ২৪ দা মাগী কর্ম ইম্ফলদা পাঙথোকখ্রে।
সোর্স: মরূপ
0 কমেন্ট:
কমেন্ট তৌবিয়ু