মৈরাবা, মঞ্জিৎ অমদি দিঙ্কু ইন্দিয়া টিম ট্রায়লগী খল্লক্লে
ইম্ফাল, এপ্রিল ১০ : ষ্টেটকী শান্নরোয় অহুম-মাইস্নাম মৈরাবা লুৱাং, মঞ্জিৎ খ্বাইরাকপম অমদি দিঙ্কু কোন্থৌজমবু ইন্দিয়ান টিম কন্টিঞ্জেন্ট শেম্নবগী ট্রায়াল সেলেক্সনদা শরুক য়ানবা বেডমিন্টন ফেডারেশন ওফ ইন্দিয়ানা খল্লক্লে। বি এফ আইনা মাইস্নাম মৈরাবা মেন্স সিঙ্গলস কেটাগোরিগী শান্নরোয় ২৫ খনগৎপদা মহাক য়াওরকপনি অদুগা মঞ্জিৎ অমদি দিঙ্কু অনীগী প্যেরসু মেন্স দবলগী শান্নরোয় ২৬ খনগৎপগী মনুংদা য়াওরকপনি।
ট্রায়াল সেলেক্সনদগী খনগৎলবা ইন্দিয়া টিমগী কন্টিঞ্জেন্টশিংনা চাইনাগী জেজিয়াং হাংঝৌদা চহী অসিগী সেপ্টেম্বর ১০দগী ২৫ ফাওবা পাঙথোক্কদৌরিবা এসিয়ান গেমস, ইংলেন্দগী বার্মিংহামদা জুলাই ২৮দগী আগস্ট ৮ ফাওবা পাঙথোক্কদৌরিবা কমনওয়েলথ গেমস অমদি থাইলেন্দগী কোনুং বেঙ্কোকতা মে ৮ দগী ১৫ ফাওবা পাঙথোক্কদৌরিবা থোমাস এন্দ উবার কাপতা শরুক য়ারগনি। ইন্দিয়ান টিম কন্টিঞ্জেন্ট শেম্নবগী ট্রায়াল সেলেক্সন থা অসিগী ১৫ দগী ২০ ফাওবা নিউ দিল্লীদা পাঙথোক্লগনি।
সোর্স: হুইয়েন লানপাও
0 কমেন্ট:
কমেন্ট তৌবিয়ু