• 82
• ৩১শে জানুয়ারী ২০২৫ ইং
• Share on:

মাল্টি-লিংগুয়েল থৌরম পাঙথোকখ্রে

আগরতলা, ৩১ জানুয়ারি : চহী কয়ারোম মতুংদা সহিত্য একাডেমি নিউ দিল্লীগী মতেং লৌরগা মণিপুরী অমসুং অতৈ তোঙান তোঙানবা লোন য়াওবা মাল্টি-লিঙ্গুয়েল পয়েট্স মীট থৌরম আগরতলা পাঙথোকখ্রে। সাহিত্য একাডেমিনা ত্রিপুরাগী মণিপুরী লিটরেরী এ্যন্ড কলচরেল ফোরামগা খুৎশম্নরগা চৎখিবা জানুয়ারি তাং ২৫, নজরুল কলাক্ষেত্র সাহিত্য একাডেমি ওডিটেরিয়ামদা পাঙথোকখিবা থৌরম অদু একাডেমি অসিগী মণিপুরী এডভাইজরি বোর্ড মেম্বর কবি খোইস্নাম বীরলানা চেয়ার লৌখি অমসুং খোইরু থাউমৈ চুখত্তুনা থৌরম হৌদকপীখি।

                                                        কবি সম্মেলনদা শৈরেং পাবগী শক্তম

এডভাইজরি বোর্ডকী মেম্বর মণিপুরদগী অশাংবাম নেত্রজিৎনা ময়াম্বু তরাম্না ওকপগী ৱারোল পীরদুনা মখল কয়াগী লোলগী শৈরেং পাবগী থৌরম অসিগী নুংগী ওইবা ৱারোল অদু ফোঙদোকখি।
শৈরেং পাবগী থৌরম অদুদা সেলৈবম খেলামোহন সেন (মণিপুরী), উত্তরা চাকমা (চাকমা), ক্রাইরী মগ চৌধুরী (মগ), খোইবম সৈব্যা (বাংলা) অমসুং সুরঞ্জন কুন্ডু চৌধুরী (ককবরক) শরুক য়াখি। থৌরমগী অরোইবদা ফোরামগী সেক্রেটারী খোইস্নাম মংগলনা থৌরম অসি মপুং ফাহনবগীদমক থাগৎ ৱাহৈ ফোঙদোক্তুনা থৌরম অদু লোইশিনখি।

সোর্স: মরূপ