মণিপুর য়ুনিভার্সিটি ওফ কালচারবু সেন্ত্রেল য়নিভার্সিটি ওইহন্নবা হোৎনগনি: লৈশেম্বা সনাজাওবা
ইম্ফাল, অক্টোবর ০৬ : মণিপুর য়ুনিভার্সিটি ওফ কালচারবু সেন্ত্রেল য়ুনিভার্সিটি ওইহন্নবা অঙম্বা থাক্তা হোৎনগনি হায়না রাজ্য সভাগী এমপি সু ওইরিবা নিংথৌ লৈশেম্বা সনাজাওবনা ঙসি লংথবাল কুঞ্জদা লৈবা কংলৈ মাইম থিয়েটার রেপরটরিদা পাঙথোকখিবা অনীশুবা কালচারেল ৱার্কারস অমসুং এক্টিভিষ্ট ফোরাম, মণিপুরগী থৌরম হৌদোকপদা ফোঙদোকখ্রে।
অথোইবা মীথুংলেন ওইখিবা লৈশেম্বা সনাজাওবনা মণিপুর অসি আর্ট এন্দ কালচার, শান্ন-খোৎনবা অমসুং টুরিজমনা মশক খঙহল্লিবনি হায়রদুনা সেক্টর অহুমসিগী বাজেট য়ামখৎহনবা মথৌ তাই হায়খি। লোয়ননা মণিপুর অসি আর্ট এন্দ কালচারগী লমদা মতিক চানা পোটেন্সিয়েল লৈবা ষ্টেটনি হায়রদুনা মণিপুর য়ুনিভার্সিটি ওফ কালচারবু সেন্ত্রেল য়ুনিভার্সিটি ওইহন্দুনা মহৈকোল অসিগী ষ্টেটস হেনগৎহনবা নত্তনা মসিবু চলাইবদা চঙগদবা শেনফমশিং মতিক চানা থমগনি হায়খি।
মসিবু চলাইবদা চঙগদবা শেনফমশিং মতিক চানা থশগনি হায়খি। মসিগীদমক মহাক্কী মায়কৈদগী লৌখৎফম থোকপা থবকশিং অমসুং মিনিষ্টারশিং উন্নরগনি হায়খি। থৌরম অসিদা ফোরামগী প্রেসিদেন্ট বুধ চিংথাম অমসুং এম এল এ ৱাই রাধেশ্যামসু শরুক য়াখি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু