ফ্রেঞ্চ অইবী এন্নি ইরনোক্সনা নোবেল প্রাইজ ইন লিটরেচর ফংখ্রে
ষ্টোকহোম, অক্টোবর ০৬: ফ্রেঞ্চ অইবী এন্নি ইরনোক্সতা চহী অসিগী নোবেল প্রাইজ ইন লিটরেচর পীরে হায়না সুইদিশ একাদেমিনা শগোলশেল নুমিত্তা লাউথোকখ্রে। ২০১৪ দা প্রেটিক মোদিআনো না মনা অসি ফংখ্রবা মতুং লিটরেচরগী মনা অসি ফংবা ফ্রেঞ্চ এন্নি ইরনোক্সনা ওইরে।
মহাক্কী লাইরিক ২০ হেন্না ইখি অমসুং অয়াম্বনা য়াম্না তেল্লি অমসুং মহাক্কী পুন্সিদা থোকখিবা থৌদোক অমসুং মহাক্কী অকোয়বদা লৈবা মীওইশিংগী পুন্সিদা য়ূম্ফম ওই। নোবেল প্রাইজ ইন লিটরেচার ফংখ্রবা মীওই ১১৯গী মনুংদা নুপী মহাক্না ১৭ শবনি। মমাঙ চহীদা মনা অসি ফংখিবা য়ুকেদা লৈবা টাঞ্জানিয়ান আব্দুল রাজাক গুরনা মনা অসি ফংবা আফ্রিকাদা পোকপা তরুকশুবা ওইখি।
নোবেল প্রাইজ ইন লিটরেচর অসি য়ুরোপিয়ন অমসুং নোর্থ আমেরিকান রাইটারশিংদা অদুক্কী মতিক মীৎয়েং থম্মী অমসুং মদুদু নুপাদনা অদুক্কী মতিক হেল্লি হায়না য়ানীংদবা ফোঙদোকক্নদুনা লাকখি। ২০২১ দা গুরনা অমসুং ২০২০ দা য়ুএস কবি লুইজ গ্লকনা মনা অসি চহী কয়া ৱাথোক ওইদুনা লাকখিবা অদুগী নান্থোকপদা মতেং ওইখি।
চহী অসিগী নোবেল প্রাইজ ফংলবা মীওইশংগী মিং লাউথোকপা নিংথৌকাবা নুমিত্তা হৌখি। নিংথৌকাবা নুমিত্তা সুইদিশ সাইন্টিষ্ট স্বান্তে পাবোনা নোবেল প্রাইজ ইন মিদিসিন ফংখি, লৈবাক পোকপা নুমিত্তা সাইন্টিষ্ট অহুমনা নোবেল প্রাইজ ইন ফিজিক্স ফংখি। অলেন অস্পেক্ট, জোন এফ ক্লোসার অমসুং এন্টন লৈলিঙ্গরনা ক্বান্টম ইনফোর্মেসন সাইন্সদা লম য়ানবা ওইবগীদমক চহী অসিগী নোবেল প্রাইজ ইন ফিজিক্স এৱার্দ লাউথোকখি।
নোবেল পীস প্রাইজ ২০২২ ইরাই নুমিত্তা লাউথোক্কনি অমসুং ইকোনোমিক্সকী নোবেল প্রাইজ ওক্টোবর ১০দা লাউথোক্কনি। মনাশিং অসিদা শেল ওইনা সুইদিশ ক্রোনোর মিলিয়ন ১০ (য়ুএস দোলার ৯০০,০০০ রোম) য়াওই অমসুং মান অসি দিসেম্বর ১০দা খূৎ শিন্নগনি। শেলগী মনা অদু ১৮৯৫ দা শিখিবা সুইদিশ ইনভেন্টর অলফ্রেদ নোবেলনা কৎলম্বনি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু