মণিপুরী লোন আসাম লৈঙাক্কী এসোসিয়েট লোন ওইনবগী অকনবা খোঙজং চঙশিল্লগনি
সিলচর, সেপ্টম্বর ০৪ :মণিপুরী য়ুথস্ ফ্রন্ট ওব আসাম (মাইফা) না ঙসি মীয়ামগী ওইবা মীফম অমা কৌদুনা মণিপুরী লোনবু আসাম লৈঙাক্কী এসোসিয়েট ওফিসিয়েল লোন ওইহনবগীদমক অকনবা খোঙজং কয়া চঙশিন্নবা ঙসিগী মীফম্না ৱারেপ্নখ্রে। অয়ুক পুং ১১ তাবা মতমদা বান্সকান্দি জুনিয়র কোলেজ করাইকান্দি, কাছারদা প্রেসিদিয়াম মেম্বার ওইনা মাইফাগী প্রেসিদেন্ট থাংজম ব্রোজেন, কৈসাম বিদ্যাপতি, আহমদ চৌধুরি চীফ এদভাইজর আসাম মণিপুরী মুসলিম য়ুথস্ ফ্রন্ট (এ এম এম ৱাই এফ) না দাইজদা ফমখি।
মীফম অদুদা তিনখিবা ময়াম্না মোৎ অমত্তা ওইনা খন্নরবা মতুং ৱারেপশিং অসি লেপখি। ৱারেপশিং অদুদি, মণিপুরী লোনবু আসাম লৈঙাক্কী এসোসিয়েট ওফিসিয়েল লোন ওইহনবগীদমক লাক্রিবা সেপ্টেম্বরগী চৈচৎ ২৭তা লক্ষিপুর, চৈচৎ ২৮দা সোনাই অমসুং চৈচৎ ২৯ দা সিলচরদা সিট ইন প্রোটেষ্ট পাঙথোকপা, প্রোটেষ্ট অসিদা শরুক য়ানবগীদমক লম লমগী ক্লাব, ওর্গানাইজেসন, মৈরা পায়বী লূপশিংগা উনদুনা ৱারী শান্নবা, পোষ্টকার্দ কেম্পেইনসু পাঙথোকপা হায়বসিনি।
ঙসিগী মীফম অদুদা আসাম মণিপুরী মৈরা পায়বী লূপ (এ এম এম পি এ এল) গী প্রেসিদেন্ট ইমা সানাথৌই দেবী, আসাম মণিপুরী মুসলিম মৈরা পায়বী সংস্থা (এ এম এম এম পি এস) গী প্রেসিদেন্ট সঙ্গিতা বেগম, আসাম মণিপুরী মুসলিম য়ুথস্ ফ্রন্ট (এ এম এম ৱাই এফ) কী ভাইস প্রেসিদেন্ট রেহান উদ্দিন, সালাউদ্দিন, রঞ্জিৎ সিংহ, চম্পলাল সিংহ, সেরাম হেরাজিৎ, ফাঞ্জৌবম লোকেনাথনচিংবা মীওইশিংনা ৱা ঙাঙখি।
মীয়ামগী মীফম লোইরবা মতুংদা পাউগী মীফম অমসু পাঙথোকখি। মীফম অদুদা মাইফাগী প্রেসিদেন্ট থাংজম ব্রোজেননা হায়খিবদা, মণিপুরী লোনবু আসাম লৈঙাক্কী এসোসিয়েট ওফিসিয়েল লোন ওইহনবগীদমক লাক্লিবা সেপ্টেম্বরগী চৈচৎ ২৭ অসিদা মীয়াম্না শরুক য়াদুনা মপূং ফাহনবীয়ু হায়খি।
সোর্স: পান্দম
0 কমেন্ট:
কমেন্ট তৌবিয়ু