মণিপুরী ফিল্মগী শক্নাইরবী ভেটরান আর্টিষ্ট য়েংখোম রোমাদা এৱার্দ খুৎশিন্নখ্রে
ইম্ফাল, এপ্রিল ১৯ : লেট ওইনা বালদেবগী ৮০ শুবা মপোক কুমওনগী মরী লৈননা ওইনাম বালদেব লাইফটাইম এৱার্দ ২০২৩ মণিপুরী ফিল্মগী শক্নাইরবী ভেটরান আর্টিষ্ট য়েংখোম রোমাদা খুৎশিন্নখ্রে। এৱার্দ অসিদা লেংয়ান, সাইটেসন অমদি শেলগী মনাসু য়াওরি। ওইনাম বালদেব মেমোরিয়েল ট্রাষ্ট, কৈশামথোং এলাংবম লৈকাইনা শীন্দুনা থাঙ্গাল বাজারদা রৈবা হোটেল নির্মলাদা পাঙথোকখিবা থৌরম অদুদা লাইওইখ্রবা ওইনাম বালদেবগী ফোটোদা মীয়াম্না লৈ কৎতুনা অমদি মিনিট অনি তুমিন্না লেপ্তুনা ইকায়খুম্নবা উৎখি।
থৌরম অদুদা মেম্বার, এনইজেদসিসি এন্দ ইজেদসিসি, মিনিষ্ট্রি ওফ কালচার, গবর্ণমেন্ট ওফ ইন্দিয়া, কেঐচ যুগিন্দ্রো, ফোর্মার প্রেসিদেন্ট ক্রিটিক্স ফোরাম, মণিপুর, ডাক্তর এল গোজেন্দ্র অমসুং চিয়ারমেন ওইনাম বালদেব মেমোরিয়েল ট্রাষ্ট, ওইনাম নবকান্তনা চীফ গেষ্ট, গেষ্ট ওব ওনার অমসুং প্রেসিদেন্ট ওইনা শরুক য়াখি ।
ওইনাম বালদেব লাইফটাইম এচিবমেন্ট এৱার্দ ২০২৩ মণিপুর ফিল্মগী শক্নাইরবী ভেটরান আর্টিষ্ট য়েংখোম রোমানা মহাক্না আর্টিষ্ট অমা ওইনা থিয়েটার অমদি ফিল্মগী লমদা চঙশিল্লকখিবা অমদি থিয়েটারগী লমদা নৌনা চঙশিল্লকপা মতমদা ওইনাম বালদেবগা থেংনখিবা ৱারি কয়া মীয়ামদা পাউদমখি।
মেম্বার এনইজেদসিসি এন্দ ইজেদসিসি, মিনিষ্ট্রি ওফ কালচার, গবর্ণমেন্ট ওফ ইন্দিয়া কেঐচ যুগিন্দ্রোনা থৌরম অদুগী চীফ গেষ্টকী ৱারোল পীরদুনা হায়, ভেটরান আর্টিষ্ট য়েংখোম রোমা কলাদা কত্থোক্লবা, ফিল্ম দ্রামাদা কন্ট্রিব্যুসন কয়া পীদুনা লাক্লবা শিংথাবগী লোইবা নাইররোইদবা শক্নাইরবী আর্টিষ্ট অমনি। থিয়েটার অমদি ফিল্মগী লমদা এৱার্দ কয়া ফংখ্রবা মীশক্নি। রেদিও প্লে কয়াদা এপ্রুব আর্টিষ্ট অমসুনি হায়না ফোঙদোকখি।
অমরোমদা পনবা য়াবদি লাইওইখ্রবা ওইনাম বালদেব ১৯৪৩ গী এপ্রিল ১৯দা কৈশামথোং এলাংবম লৈকাইদা পোকখি। ওইনাম নোইনোই অমসুং ইবেমপিশক অনিগী মরী শুবা মচানি। মহাক ছাত্র ওইরিঙৈদগী থিয়েটার আর্টিষ্ট অমা ওইবা পাম্লকখি। লোয়ননা ১৯৬৫ কী হৌরকপদগী থিয়েটারগী লমদা খোংদাবা হৌরকখি। ১৯৭২ দা মণিপুর ষ্টেট কলা একাদেমিদা লাইট টেক্নিসিয়ান ওইনা থবক চঙখি অমদি ১৯৮৯ দা নেসনেল স্কুল ওফ দ্রামা, নিউ দিল্লীদা ষ্টেজ এন্দ লাইট ট্রেনিং কোর্স লোইশিনখি।
মহাক রিপর্টারি ওফ পারফোর্মিং ওফ আর্ট মণিপুরগী ফাউন্দার মেম্বারসুনি। মহাক্না তৌজরম্বা পারফোর্মেসপু শকখঙবীদুনা থিয়েটার সেন্টার মণিপুরনা ২০১২ দা ললিত নিংশিং খুদোল এৱার্দ পীদুনা ইকায়খুম্নখি অমদি ২০১৮ গী আগষ্ট ২৫ দা মহাক লৈখিদবনি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু