image

বেনিতা লাইশ্রমনা দুবাইদা খুনুং ঈশৈ খুদোল তমখ্রে

ইম্ফাল, জানুয়ারি ১৩ : ইন্দিয়া তোঙান তোঙানবা কলচরগী ফজবা মশকশিং ঊৎনবগীদমক দুবাইগী গ্লোবেল ভিলেজদা মমাঙ চহী ইং ২০২৪ গী ওক্তোবর ১৬ তগী চত্থরক্লিবা ইন্দিয়া পেভিলিয়ন ২০২৪-২৫ দা মণিপুরগী শক্নাইরবী খুনুং ঈশৈ শকপী বেনিতা লাইশ্রমনা ঙরাং ফজরবা মণিপুরী খুনুং ঈশৈশিং মফম অদুদা লাকখিবা মীয়ামদা খুদোল তমখ্রে।

চৎলিবা চহী ইং ২০২৫ গী মে ১০ ফাওবা পাঙথোক্কদৌরিবা ইন্দিয়া পেভিলিয়ন ২০২৪-২৫ অসিদা বেনিতা লাইশ্রমনা মারেমগী তোঙান তোঙানবা মফমশিংদগী লাক্লিবা মীয়ামদা মণিপুরগী কলচর অমসুং মসিদা শাগোন্নরিবা ফজরবা শৈহেক্তা খুনুং ঈশৈশিং খুদোল তমখিবনি।

মিনিস্ত্র ওব আর্তস এন্দ কলচরনা স্পোন্সর তৌরগা দিদি কে (দুরদর্শন কেন্দ্র) না শীন্দুনা পাঙথোকখিবা ইন্দিয়াগী অহানবা ফোক সোং রিএলিতি শো ‘ভারত কা অমৃত কলশ’ তা ৪ শুবা মফম কনখিবী বেনিতা লাইশ্রমনা ইন্দিয়াগী মীয়ামদা মণিপুরগী মৈহৌরোন্দগী লৈজরক্লবা খুনুং ঈশৈ অসি হেন্ন মশক তাকখিবনি। মহাক্না রিএলিতি শো অদুদা পীখিবা পারফোর্মেন্স অদুনা ইন্দিয়াগী মীয়াম খক্তা নত্তনা ইন্তরনেসনেল প্লেতফোর্মদা অচৌবা মফম অমা কনবা ঙমখিবনি।

দুবাইগী গ্লোবেল ভিলেজদা পাঙথোক্লিবা ইন্দিয়া পেভিলিয়ন অসিদা মিনিস্ত্রি ওব আর্তস এন্দ কলচরনা লৈবাক অসিগী আর্ত এন্দ কলচরবু মালেমগী মীয়ামদা হেন্না মশক তাক্নবা থৌরাং পায়খৎলি। ফেস্তিবেল অসিদা ইন্দিয়াগী তোঙান তোঙানবা মচু কয়ানা লৈতেংলবা কলচরগী ফজবা অমদি আর্তিস্তকী হৈথোই শিংথোইবা অদু মালেমগী মীয়ামদা খঙহন্নবা হোৎনরি।

ঙরাং নুমিদাং পূং ৭ তগী পূং ১০ ফাওবা পাঙথোকখিবা প্রোগ্রাম অদুদা বেনিতা লাইশ্রমগী পারফোর্মেন্স খক্তা নত্তনা ইন্দিয়াগী আর্তস, ক্রাফ্ট অমসুং ত্রেদিসনগী হীরমদা আর্তিস্ত কয়ানসু তোঙান তোঙানবা পারফোর্মেন্স কয়া ঊৎখি। মদুগী মনুঙদা জগোয়, ফেশন শো অমদি ঈশৈ কয়াসু ঊৎখি।

মিনিস্ত্রি ওব আর্ত এন্দ কলচরনা বেনিতা লাইশ্রমনা মণিপুরগী ইনাক খুল্লবা আর্ত এন্দ কলচরনা বেনিতা লাইশ্রমনা মণিপুরগী ইনাক খুল্লবা আর্ত এন্দ কলচর য়োকখৎনবা হোৎনজরিবা অদুবু শকখঙলদুনা ফেস্তিবেল অসিদা মহাকপু শরুক য়াহল্লকখিবনি। বেনিতা লাইশ্রম হৌজিক ওল ইন্দিয়া রেদিও ইম্ফালদা ‘বি’ গ্রেদ আর্তিস্ত ওইনা লৈরি। মহক্না ইম্ফালগী জৱাহরলাল নেহেরু মণিপুর দান্স একাদেমিদা দিপ্লেমা লোয়রবী আর্তিস্ত অমনি।

বেনিতা লাইশ্রম অসি তর্কিগী ইস্তানবুলদা পাঙথোকখিবা ১৯শুবা নোর্থ ইস্ত ইন্দিয়া ফেস্তিবেলদসু মণিপুরগী মহুৎশিন্দুনা শরুক য়াখ্রে। মহাক ফিল্ম ফোরাম মণিপুরনা শীন্দুনা পাঙথোকখিবা ৯শুবা নোংইন মণিপুর ম্যুজিক ভিডিও কম্পিতিসনদসু বেস্ত ফিমেল সিঙ্গর তাইতল লৌরক্রিবীনি। মহাক স্তেত অসিগী তোঙান তোঙানবা লোলশিংদসু ঈশৈ শকপা ঙম্বী আর্তিস্ত অমনি।

বেনিতা লাইশ্রম অসি তর্কিগী ইস্তানবুলদা পাঙথোকখিবা ১৯শুবা নোর্থ ইস্ত ইন্দিয়া ফেস্তিবেলদসু মণিপুরগী মহুৎ শিন্দুনা শরুক য়াখ্রে। মহাক ফিল্ম ফোরাম মণিপুরনা শীন্দুনা পাঙথোকখিবা ৯শুবা নোংইন মণিপুর ম্যুজিক ভিডিও কম্পিতিসনদসু বেস্ত ফিমেল সিঙ্গর তাইতল লৌরকখ্রবীনি। মহাক স্তেত অসিগী তোঙান তোঙানবা লোলশিংদসু ঈশৈ শকপা ঙম্বী আর্তিস্ত অমনি।    

সোর্স: পোক্নফম 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু