image

আগরতলা লাইরিক মেলাদা শৈরেং শৈদিন্নবা পাঙথোকখ্রে

ইম্ফাল, জানুয়ারি ১২:  জানুয়ারি ২ দগী হৌদুনা ত্রিপুরাগী আগরতলাদা পাঙথোক্লিবা ৪৩ শুবা আগরতলা লাইরিক মেলা ২০২৫ দা মণিপুরী, চাকমা, মোগ, অতৈ অতৈ য়াওনা স্তেত অসিদা মশিং লীকপা লোলশিং গী ওইবা শৈরেং শৈদিন্নবগী থৌরম অমা ঙরাং পাঙথোকখ্রে।

মণিপুরী অইবা ৱাংখেম বিরমঙ্গলনা শৈদিন মপু ওইদুনা পাঙথোকখিবা শৈরেং শৈদিন্নবগী থৌরম অদুদা মণিপুরদগী অইবা ২৪ য়াওনা পূন্না অইবা ৫০ রোমনা শৈরেং পাথোকখি হায়রি। আগরতলা লাইরিক মেলা অসি ত্রিপুরাদা কুমজা ১৯৮২দগী চহী খূদিংগী পাঙথোক্তুনা লাকপনি। হন্দক্কী ৪৩ শুবা আগরতলা লাইরিক মেলা ২০২৫ অসি হৌখিবা জানুয়ারি ২ দা ত্রিপুরাগী চীফ মিনিস্তর দাঃ মনিক শাহনা হৌদোকখিবনি। নুমীৎ ১০ নি চত্থগদবা লাইরিক মেলা অসিগী মনুংদা নৈনবা, শৈরেং শৈদিন্নবা, ক্যুজ কম্পিতিসন, তোঙান তোঙানবা কাঙলুপ-ফুরুপ কয়াগী নাৎকী ওইবা জগোয়-ঈশৈনচিংবা কলচরেল প্রোগ্রাম কয়াসু  পাঙথোক্লি।

লাক্লিবা তাং ১৪ দা লোইশিনগদৌরিবা আগরতলা লাইরিক মেলা অসিদা ত্রিপুরাগী মপানদগী স্তোল ৪২ য়াওনা পূন্না স্তোল ১৭৮হাংলি। হন্দক চহী অসিদদি বাংলাদেশকী স্তোল অমত্তা হাংখিদ্রে। হৌজিক ফাওবদা চাউরাক্না লুপা লাক্ষ ৫০ রোমগী লাইরিক য়োনবা ঙম্লে। মমাং চহীদদি লুপা ক্রোর ১ গা লাক্ষ ৪১ রোমগী লাইরিক য়োনবা ঙমখি হায়রি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু