আপডেট:
image

বাংলাদেশতা থা অমা চুপ্না থাঙ-তা তম্বীবগী থৌরম লোইশিনখ্রে

কমলগঞ্জ, ১৬ মার্চ : বাংলাদেশকী মৌলভীবাজার ডিস্ট্রিক্ট মনুংচনবা কমলগঞ্জ উপজেলাগী মণিপুরী কালচারাল একাডেমী অমসুং অপূনবা মণিপুর হুয়েন লানলোং লুপ (মণিপুর,ভারত) অনিনা খুৎশম্নদুনা নয়াপত্তনদা লৈবা মণিপুরী কালচারাল একাদেমী হোলদা থা অমা চুপ্না পাঙথোক্তুনা লাকখিবা থাঙ-তা মার্শাল আর্ট ট্রেনিং প্রোগ্রাম অমা ঙশি লোয়শিনখ্রে।

লোইশিনবগী থৌরম অসিদা নৈনবা মীফমদা মণিপুরী কালচারাল একাডিমীগী প্রেসিডেন্ট পলাশ সিংহনা ময়াই তাংবল লৌরগা জেনারেল সেক্রেটারি ড. সঞ্জিব সিংহনা কন্ডাক্ট তৌখিবা থৌরম অসিদা ইকাইখুম্নজরিবা গেস্ট ওইনা মণিপুরী ভাষা গবেষণা ও উন্নয়ন সংস্থাগী জেনারেল সেক্রেটারি এল ইবুংহাল সিংহ শ্যামল, মণিপুরি কালচারাল কমপ্লেক্সকী প্রেসিডেন্ট জয়ন্ত কুমার সিংহ, বাংলাদেশকী শক্নাইরবা অইবা হামোম সনাতন, বাংলাদেশ মণিপুরী কাং ফেডারেশনগী এডভাইজর ফোরমার ইউপি মেম্বার মনীন্দ্র কুমার সিংহ, বাংলাদেশ মণিপুরী সাহিত্য সংসদ কমলগঞ্জ উপজেলা ব্রাঞ্চকী প্রেসিডেন্ট মাইবম বীরেন্দ্র, দি ভানুবিল ড্রামা পার্টির ডিরেক্টর লৈচোম্বম রাজকুমার শরুক য়াখি।  

থৌরম অসিদা অতোপ্পাশিংগী মরক্তগী ৱা ঙাংবিখি থাঙ-তা তাকপিবগী ওজা অক্রম ৱাঙম্বা মীতৈ, সোসেল এক্টিভিষ্ট শ্যাম কিশোর সিংহ, সোসেল এক্টিভিষ্ট আওয়াংতাবম সমরেন্দ্র, জার্নালিস্ট আর. কে. সোমেন য়াওনা অতৈ অতৈ ৱা ঙাংবিখি।

পনবা য়াবদি থাবুম অমা চুপ্না থাঙ-তা তাকপী-তম্বীবা অদুদা পূন্না শিন্তমলোয় নুপা-নুপী ৪০ রোম্না শরুক য়াখি। লোইশিনবগী থৌরমদা থাঙ-তাগী শিন্তমলোয়শিংনা থাঙ অনী চাইনবা, থাঙ অহুম চাইনবা, চৈশাং মরোল, চৈশাং য়ান্নবা, য়েৎ থাঙ, ওই থাঙ মরোল, শাজেল, শরিৎ-শরাকনচিংবা উৎখি।

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: