আপডেট:
image

নোর্থ অমেরিকান বংলাদেশ মণিপুরী সোসাইটিনা রিলিফ কেম্পতা মতেং পীখ্রে

ইম্ফাল, ওক্টোবর ২০ : রাইটার্স ওফ মণিপুরগী তাঙ্কক নায়না লেপ্তনা চংশিল্লক্লিবা তেংবাং খোঙচৎকা মরি লৈননা ন্যু য়োর্কতা লৈবা নোর্থ অমেরিকান বংলাদেশ মণিপুরী সোসাইটিনা দোনেট তৌরকপা কম্বল অমসুং হাকথং ফিশিং ঙসি ইম্ফালগী মোইরাংখোমদা লৈবা শ্যামশখি স্কুলদা হাংলিবা রিলিফ কেম্পশিংদা লৈরিবা ইনমেটশিংদা মতেং পীখ্রে।


রিলিফ কেম্প অসিদা লৈরিবা ইনমেটশিংদা অচৌবা কম্বল ১৭, হাকথং ফি ৫৪ লোয়ননা রাইটর্স ওফ মণিপুরনা হান্নদগী হৌনা রিলিফ কেম্পশিংদা পীদুনা লাকপা চান থক্নবা পোৎলমশিং য়াওরি। পোৎলমশিং খুৎশিন্নবগী থৌরম অদুদা রাইটর্স ওফ মণিপুরগী থৌমীশিং, শক্লাইরবা অইবা, ক্রিটিক, স্কোলার, ফিল্ম এক্টর, ঠিয়েটর দাইরেক্তর, কলমনিষ্ট অমদি মৈরা পায়বীগী মীহুৎশিং শরুক য়াখি ৷ তেংবাংগী পোৎলমশিং পীরকপা অদুবু রিলিফ কেম্প অসিগী কনভেনর নোংমাইথেম কিরননা রাইটার্স ওফ মণিপুরবু থাগৎপগা লোয়ননা নোর্থ অমেরিকান বংলাদেশ মণিপুরী সোসাইটি বু থাগৎপা অমদি অপেনবা ফোঙদোকখি।


তেংবাং পোৎলম খুৎশিন্নবী খোঙচৎ অদুবু লমজিংলিবা নাওরেম বিরেন্দ্রজিৎনা রাইটার্স ওফ মণিপুরনা রিলিফ কেম্পশিংদা লেপ্তনা মতেং পীরগী থবক চৎথবগী মথক্তা লৈকায় লৈকায়গী ক্লব, মৈরা পায়বীশিংগা খুৎশম্নরগা পুন্সি চেংজেল নিমিন্নবা অমদি লৈকায় লৈকায় অদুদা অইবশিংবু মশক তাকপা অমদি মখোয়না খুনাইদা লৌরিবা থৌদাং খঙমিন্নদুনা লাক্লি। মরম অসিনা লমদম অসিগী অইবা অইবীশিং, ক্লব অমদি মৈরা পায়বীশিংনা লুপকী ৱাফম থাদোক্লরগা তেংবাং খোঙচ‍ৎ অসিবু সাপোর্ট তৌবীয়ু লোয়ননা অৱাবা তারিবা ইচিল ইনাওশিংদা মতেং লেপ্তনা পাংনবা হোৎনমিন্নসি, মীতৈগী পুনফম শেমগৎমিন্নসি হায়নসু ফোঙদোকখি।
‌সোর্স : পান্দম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: