দিল্লীদা ৱার্ল্ড পোইত্রি টুডে ফোঙখ্রে
ইম্ফাল, দিসেম্বর ১৭ : কোলকাতাদা লৈবা ত্রিস্তুপ বুক্স ইন্দিয়ানা ফোঙবা ভয়েসেস নাউ ৱার্ল্ড পোইত্রি টুডে হায়না মিংথোনবা ইন্টারনেশনেল এন্থালোজি ওব ইংলিশ পোইত্রিগী লাইরিক অমা ঙসি দিল্লীদা লৈবা রামজাস কলেজদা কলেজ অসিগী দিপার্টমেন্ট ওব জুলোজিগী এসোসিয়েট প্রোফেসর দাঃ এম ওজিৎকুমার অমসুং দিল্লী য়ুনিভার্সিটিদা এম এ ইংলিশ তম্লিবী এথেনা থিয়ামনা হৌনবী মতুংইন্না ফোঙদোকখ্রে।
লাইরিক অসি ব্রজকুমার সরকার অমসুং বিনয় লাহানা এদিটর ওইরগা পুথোকপনি। মালেমগী মমিং লৈরবা অইবা ৮০গী শৈরেং য়াওরিবা লাইরিক অসিদা মণিপুরদগী রোবিন এস ঙাঙোম অমসুং এথেনা থিয়ামগী শৈরেং য়াওরি। লাইরিক অসিদা য়াওরিবা মরু ওইনা পনবা য়াবা লৈবাকশিংদি য়ুকে, য়ু এস এ, কানাডা, অস্ত্রেলিয়া, নিউজিল্যান্ড, সাউথ আফ্রিকা, কুর্দিস্তান, ইন্দিয়া, শ্রিলঙ্কা, নেপাল, বাংলাদেশ অসিনচিংবনি।
লৈবাকশিং অসিগী অইবশিংনা ইবা শৈরেংশিং অসিনা হৌজিক মালেমদা ওইরিবা ফীবম কয়াবু য়াম্না ফজনা ফোঙদোক্লি হায়না লাইরিক ফোঙবগী থৌরম অদুদা দাঃ ওজিত কুমারনা ফোঙদোকখি। হৌজিক্কী মতমদা অইবশিংনা লৌরিবা থৌদাং অসি য়াম্না চাউই হায়খি। মশাগী চহী ১৩ শুরকপা মতমদা দি ৱার্ল্ড আদর পোইমস হায়না মিং থোনবা শৈরেং লাইরিক অমা ফোঙখ্রবা এথেনা থিয়ামনা ঙসিগী লাইরিক ফোঙবগী থৌরমদা মহাক্কী শৈরেংগী খোঙচৎ পাউদম্লবা মতুংদা লাইরিক অসিদা য়াওরিবা মহাক্কী শৈরেংশিংবু পাথোক্তুনা মীয়ামদা তাহনখি।
নীংশিংবা য়াবদি লাইরিক অসিদা য়াওরিবা পোইট ৮০ গী মনুংদা মহাক্না খ্বাইদগী চহী নৌরিবা ওইরি। ঙসিগী থৌরম অদুদা কলেজ ওজা খরগা লোয়ননা মহৈরোয় কয়াসু শরুক য়াখি। দিল্লীদা লৈবা য়ুনাইতেদ ককচীং স্তুদেন্তস এসোসিয়েসনগী মহৈরোয়শিংসু শরকু য়াবগা লোয়ননা ইন্টারেক্সনসু পাঙথোকখি।
সোর্স: পোক্নফম
0 কমেন্ট:
কমেন্ট তৌবিয়ু