সাহিত্য প্রেমী সমিতিগী মনা লাউথোকখ্রে
ইম্ফাল, দিসেম্বর ১৮ : নহারোল সাহিত্য প্রেমী সমিতি ইম্ফালনা ইং ২০২২ গী ওইনা পীগদবা সাহিত্যগী মনাশিং ঙসি লাউথোক্লে। ৱাহেংবম কুমারী চনুনা ইবা হুম্ফুতরাগী নোংলৈ মতুংগী য়েন্নীং হায়বা নৈন-ৱারেংগী খোমজিনবা লাইরিক্তা খাইদেম প্রমোদিনী মনা, মাইবম নবকিশোর সিংহনা ইবা থম্মোয়গী মরী হায়বা ৱারীমচাগী লাইরিক্তা জননেতা ইরাবত মনা, অরাম্বম ওংবী মেমচৌবীনা ইবা থামম্বা অহীং হায়বা শৈরেংগী লাইরিক্তা তায়েঞ্জম জয়ন্ত পোইট্রি এৱার্দ, নেপ্রম মায়ানা ইবা মুৎশিল্লক্লিবা লৈই হায়বা ৱারীমচাগী লাইরিক্তা সনসম ওংবী মোইরাংথেম মাইপাকপী সাহিত্য মনা অদুগা আর রোবিন্সন মোয়োননা ইবা কপ্পু কপ্নীংইদা হায়বা লীলাগী লাইরিক্তা পদ্মা দেবী এৱার্দ পীরগনি হায়রি।
মনাশিং অসি লাক্লিবা দিসেম্বর ৩১ দা সমিতিনা মনা লান্থোকপগী থৌরম অমা শীন্দুনা জৱাহরলাল নেহেরু মণিপুর দান্স একাদেমি হোলদা য়েন্থোক্কনি। নুমিৎ অসিদা শক্নাইরবা মণিপুরগী নোঙ্গাখ্রবা অইবা শ্রী বিরেননা হৌদোক্লম্বা কবি কীর্তন হায়বা শৈরেং শৈদিন্নবগী থৌরম অমসু মশক নাইরবা কবিশিংনা শরুক য়াদুনা পাঙথোক্কনি হায়রি।
সোর্স: পোক্নফম
0 কমেন্ট:
কমেন্ট তৌবিয়ু