• 576
• ৩০শে ডিসেম্বর ২০২১ ইং
• Share on:

থাঙ-তা শান্নরোয়শিং পূক্নিং থৌগৎখ্রে

ইম্ফাল, ডিসেম্বর ২৮ : হন্দক্তা জম্মু অমসুং কাশ্মিরনা য়ূম্বু ওইদুনা পাঙথোকখিবা ২৭ শুবা নেশনেল থাঙ-তা চেম্পিয়নশিপ্তা শরুক য়ারুবা অমসুং স্টেট অসিগীদমক মেডেল লৌরক্তুনা মিংচৎ পুরকখ্রবা শান্নরোয়শিংবু ওকপগী থৌরম অমা ঙসি ইবুধৌ কোরৌহনবা থাঙ-তা এন্ড কালচারেল এসোসিয়েশন মোইদাংপোক ইম্ফাল ওয়েষ্টনা শীন্দুনা পাঙথোকখ্রে।
থা-তা শান্নরোয়শিং অদুবু হরাও তয়াম্না ওক্লদুনা কোন্থৌজম কেন্দ্রগী এম এল এ-সু ওইরিবা চীফ মিনিষ্টারগী এডভাইজর টু হেলথ ডাঃ সাপম রঞ্জন্না হায়, থাঙ-তাদগী ফজরবা থকসি-খাসি কয়া তমশিনবা ঙম্মী। ষ্টেট অসিগী গভর্ণমেন্টনসু থাঙ-তাবু চাওখৎহন্নবা অকনবা মওংদা হোৎনরি অমসুং পাংবা য়াবা মতেঙ পাংগনি হায়না থাজবা পীরি।
মহক্না মখা তানা হায়, শান্নরোয় কয়াবু পূক্নিং থৌগৎতুনা অফবা লমদম অমা ওইহনসি। শান্নবা হায়বসিদা মায় পাকপা নৎত্রগা মায়থীবা হায়বসি শান্নরোয়শিংনা থেংনরগদবা ৱাফম অমা ওইরি, অদুবু শান্ন-খোৎনবা হায়বসিনা মীওইবগী পুন্সিবু অফবা লম্বীদা পুরক্নবা চাওনা অহোংবা পুরকহল্লিবনি।
মীয়াম্না কোভিদকী অনৌবা ভেরিয়েন্ট অমসু লাক্লবনিনা চেকশিনবা লেপ্লোইসি অমসুং ভেক্সিনসু মীপূম খুদীংমক্না কাপথোকসি হায়না এম এল এ রঞ্জন্না আপিল তৌখি।
সোর্স: পোক্নফম