মীরমদা লৈখিবা মণিপুরী মচাশিংনা কোভিদকী লাইচৎ অসিগীদমক্তা হোস্পিতালশিংদা মতেঙ পীরক্লে
মনিপুরবু নুংশিজবা মপান্দা থবক তৌদুনা লৈরিবা মণিপুরী মচাশিংনা ইরমদম অসিদা হৌজিক কোভিদ ১৯গী লাইচৎ অসিবু থেংননবা হোৎনবদা থেংনরিবা অৱাবা কয়া অসি য়েংলগা মখোয়গী মায়কৈদগী রিমস, জেনিমস অমসুং দিস্ত্রিক্ত হোস্পিটাল খরদা হিদাক লাংথকশিং মতেঙ ওইনা পীরকখ্রে হায়রি।
য়ু্নাইটেদ কিংডমগী বার্মিংহামদা লৈবা ডাঃ এলাংবম বিশ্বজিৎনা প্রেস্তা থাদোক্লকপা ৱারোল অমদা অসুম্না হায়, মণিপুরদা হৌজিক কোভিদকী লাইচৎ অসি থেংননবা হোৎনবদা মপান্দা লৈরিবা মণিপুরী মচাশিংনসু করিগুম্বা অঙম্বা খরা মতেঙ ওইনা পাংনিংবগী ৱাখল্লোনগা লোয়ননা বৃটিশকী সিটিজেন ওইদুনা লৈখ্রবা হেলথ কেয়ার প্রোফেসন্দা লৈবশিং, রিমসকী এলুমনি, এম য়ূ অমসুং দি এম কলেজকী এলুমনি লোয়ননা হৌজিক হৌজিক ফ্রান্স, ইটালি, মালয়েসিয়া, নেদারলেন্ড, য়ুএই, য়ুকে দা লৈরিবা লমদম অসিদা পোকপা মী কয়াগী হোৎনজমন্না মতেঙ অসি পাংবনি।
লমদম অসিবু নুংশিজবা মীশিংনা পৈশা খায়জিন্নরগা মীওইবগী পুন্সি কনবদা য়াম্না মথৌ তাবা হিদাক লাংথকশিং অসি লৈরগা রিমস, জেনিমস অমসুং অতৈ দিস্ত্রিক্ত হোস্পিতাল খরদা মতেঙ ওইনা পীজবনি। অসিগুম্বা মতেঙ অসিবু লমদম অসিদা য়ৌহন্নবা হোৎনবদা মতেঙ পাংলিবা লমদম অসিদা লৈরিবা মীশিংবুসু থাগৎলি। মখোয়না পীরক্লিবা হীদাক লাংথক খরা অসিনা অনাবা কয়া অমদা মতেঙ ওইগনি হায়না খল্লি। অদুগা হান্নদগী হৌনা লমদম অসিদা লৈরিবা মীশিংনা কোভিদকী লাইচৎ অসিবু লাকশিন্নবা হোৎনবদা অঙম্বা থৌদাং লৌরিবা মীশিংবু থাগৎলি।
অদুগা পুকচেল চাউরবা মীশিংনসু থম্মোয় শেংনা অক্সিজেন মাস্ক, ভেনস কেনুলা, ইন্ত্রাভেনস ফ্লুইত (রিঙ্গার লেক্তেত, নরমাল সালাইন) ডেক্সামিথাসোন্নচিংবশিংসু লোকেলগী হোস্পিতালশিংদা মতেঙ পাঙবীয়ু। লাইচৎ অসি ঐখোয় পুম্নমক্কী অপুনবা পাঙ্গল অমসুং সাইন্টিফিক ওইবা অপুনবগী খোঙজং অমনা লোইশিনবা ঙমগদৌরিবনি। লাইচৎ অসিনা লৈখিদ্রবা মীশিংগী ইমুংশিংগী অৱাবদা শরুক য়াবগা লোয়ননা ঈশ্বরগী মফমদা লাইচৎ অসিবু থেংননবা হোৎনবদা অচৌবা থৌদাং লৌরিবা খুদীংমক্তা য়াইফ মঙ্গল পীজরি হায়নসু ফোঙদোরক্লি।
সোর্সঃ পোক্নফম।
0 কমেন্ট:
কমেন্ট তৌবিয়ু