আপডেট:
image

ত্রিপুরাদা মেজর চোংথা মিয়া লৈখিদবগী ১১৫ শুবা কুমওন থৌরম পাঙথোকখ্রে

                      মেজর চোংথা মিয়াগী থৌরম হেন্না পাথোক চাউথোকহন্নিংই: জয়চন্দ্র

ইম্ফাল, জানুয়ারি ১৭ : ঙসি মণিপুর অমদি মণিপুরগী ৱাংমদা তাখ্রবা মৈতৈ ফুরুপশিংনা মেজর চোংথা মিয়াগী থৌনাবু নীংশিংদুনা মহাক্কী ১১৫ শুবা নীংশিং থৌরম ওইনা হৈ-লৈকৎতুনা ঈকায় খুম্নবা উৎলিবা অসিগী থৌরমশিং অসিদা লৈঙাক্নসু অসিগী থৌরমশিং অসিদা লৈঙাক্নসু মীৎয়েং চঙবীদুনা হেন্না পাকথোক চাউথোক্না পাঙথোক্নবা হোৎনবীয়ু হায়না য়ুনাইটেদ কম্মিটি মণিপুর (য়ু সী এম) গী প্রেসিদেন্ট জয়চন্দ্র কোন্থৌজমনা ফোঙদোকখ্রে।

মেজর চোংথা মিয়া মেমোরিয়েল ট্রাষ্ট ত্রিপুরানা শীন্দুনা ত্রিপুরাগী নারায়ন খামারদা লৈবা মেজর চোংথা মিয়া মেমোরিয়েল কমপ্লেক্সতা পাঙথোকখিবা ১১৫ শুবা মেজর চোংথা মিয়া নীংশিং থৌরম অদুদা মহাক্না মখা তারদুনা হায়খি, মেজর চোংথা মিয়াগী মিতম অসি জাষ্টিস কম্মিটি এঙ্গলো মণিপুর ৱারনা ২০১৯দগী শাবা হৌরগা ২০২০ গী জানুয়ারি ১৭ তা মীয়ামদা খুৎশিন্নবীরমখিবনি। ঙসিদি মীতম অসিদা মীয়াম্না হৈ-লৈ কৎচদুনা অথৌবা অসিগী মফমদা অৱাংবা থাক্কী ঈকায় খুম্নবা উৎপা ঙম্লে।

ঐখোয়গী ইপা-ইপুশিংগী পাম্বোম পাঙ্গলতনা খা নোংপোক এশিয়াদা মতিক মঙাল লৈনা পাল্লকখি। মালেমগী পুৱারীদা কংলৈপাক ফুরুপ্না য়ুম্লোন্নবা লৈবাকশিংগা অফবা মরী থমদুনা লাকখি। অদুবু পুৱারীগী তাঙ্কক অমদদি অৱাগী মখাদা ১৮১৯ দগী ১৮২৬ ফাওবা চহী তরেৎ খুন্তাকখি।

ইরৈপাকচাশিং মীরমদা লাঞ্জেন্নদুনা হায়নিংঙাই লৈতনা ৱাখি। ফুরুপকী নীংতম্বা অমুক হঞ্জিনবা মীখা পোনবা হৈতবা ইপা-ইপু কয়ানা থৱায়গা খুৎশিন্নদুনা নীংথি তুরেল ৱাংমা ফাওবা তান্থোক্তুনা কংলৈপাকপু অমুক হন্না নীংতম্বা পুরকখি। মদুগী মতুংদা অঙৌবা সাহেবশিংনা এশিয়াগী লৈবাকশিং লৌশিল্লক্তুনা ইন্দিয়া পুময়োৎ য়োৎখ্রবা মতুঙদা মনিং তম্না লৈজরিবা কংলৈপাক্কী লৈঙাক্লোন্দা খুৎ থিংজিনবা হৌরকখি।

১৮৯০ গী কোনুং লালহৌ অমসুং ১৮৯১ গী মার্চ ২৩গী নোংয়াই মতুং পুং ৩ তাবদা কোনুংদা বৃটিশনা লান্দাদুনা মীওই খরা হাৎখি। পীকখ্রবা ফুরুপ অসিনা থৌনা লৈনা চাউরবা বৃটিশ কোলোনিয়নবু শিংনবগী থৌনা অদু মখোয়নসু থাগৎখিবনি হায়খি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু