আপডেট:
image

ত্রিপুরাগী মীতৈশিংগী কনা লৈজদ্রবা অঙাংশিং লৈরগদি লেম্না লাইরিক তমহনগনি

ইম্ফাল, জানুয়ারি ১৬ : ত্রিপুরাদা লৈরিবা মীতৈশিংগী মরক্তা মমা-মপা লৈজদবা অমদি শেন্থোক লম্বী মরাং কায়না লৈত্রবা কনা লৈজদ্রবা শোত্থারবা অঙাংশিং লৈরগদি ক্লাস টেন ফাওবা লেম্না লাইরিক তমহনগনি। লোয়ননা আর্ট এন্দ কালচার পামজবা লৈরগসু লেম্না তমহনগনি হায়না য়ুনাইটেদ কম্মিটি মণিপুর (য়ু সী এম) গী প্রেসিদেন্ট জয়চন্দ্র কোন্থৌজমনা ফোঙদোকখ্রে।

তখেল থাঙ-তা একাদেমীগী ফাউন্দেসন অমদি মেজর চোংথা মিয়া লাইব্রেরী হাংদোকপগী থৌরম অদুদা মহাক্না মখা তারদুনা হায়খি, করিগুম্বা মণিপুরদা লাকপগী খুদোংচাবা লৈত্রগসু আর্ট এন্দ কালচার পামজবা মহৈরোয়শিং য়ু সী এমদা চে থাবীরকউ। য়ু সী এমনা মফম অসিদা মহৈরোয়শিংবু তাকপী তম্বীনবা ওজাশিং থারক্কনি।

লাইব্রেরী হায়বসি মহৈরোয় অমদি হৌরক্লিবা নহাশিংগী ওইনদি তঙাইফদবা লৌশিং তান্নবগী মফম অমনি। লাইব্রেরী অসিদা মরুওইনা মণিপুরগী ওইবা হিস্টোরিকেল লাইরিকশিং কয়া থমদুনা মণিপুর করম্না হৌরকখি হায়বসি হৌরক্লিবা মীরোলশিংদা খঙহনবা মথৌ তাই। লাইব্রেরীগী ৱাহন্থোক লৈহনসি হায়রবদি লাইব্রেরী অমদা ফংফম থোকপশিং ফংহন্দুনা ঙসিগী য়ুথশিংনা হয়েংগী য়ুম্বীনি। মরম অদুনা য়ুথশিংগী য়েংলগা মপুং ফাবা চোংথা মিয়া লাইব্রেরী অমা ওইহনসি হায়খি।

মণিপুরগী পুৱারীদা মীতৈ হায়বা ফুরুপ অসি মতম অমদা য়াম্না মতিং লৈবা ফুরুপ অমনি। মীতৈ ইপা-ইপুশিংনা মচা-মশুশিংগীদমক অৱাৎপা অমত্তা লৈতনা থম্বীরম্মী। মসিবু ঐখোয়না কাঙলোন চুম্না শীজিন্নরবদি মালেমগী ফুরুপ খূদিংমক্না ঐখোয়গা লম্বা পাবদা চোপ্লোই। মণিপুরগী মপান্দা তারিবা মণিপুরীশিং মতম লৈবা খিবিক্তা ৱাখল শোন্থনা লৈবীগনু। ঐখায়গী ইপা-ইপুদি মীখা পোনবা হৈতবা ফুরুপনি হায়খি। থৌরম অদুদা অন্তোরা সরকার দেব, চিংখৈ অমদি ইবুঙোবিনচিংবশিং শরুক য়াখি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু