ত্রিপুরাদা নিঙোল চাক্কোবগী থৌরম পাঙথোকখ্রে
আগরতলা, ওক্তোবর ২৫ঃ মণিপুরী কলচরেল ফোরম, অগরতালা ত্রিপুরানা পুথিবা ৱেলফেয়ার এন্দ কলচরেল সোসাইতি ত্রিপুরা অমসুং তখেল লৈমা তেঙবাং লুপ ত্রিপুরাগা খুৎশম্নরগা ময়াম পূন্না নিঙোল চাকৌবগী থৌরম অমা ঙসি লাইনিংথৌ পুথিবা শঙলেন (পুথিবা দেভতা বারি) অভোইনগর অগরতালাদা পাঙথোকখ্রে।
ঙসিগী ত্রিপুরাদা পাঙথোকখিবা নিঙোল চাকৌবগী থৌরম অদুদা রাজ্যসভা এমপি রাজিব ভত্তচার্জিনা অথোইবা মীথুংলেন, মণিপুর কো কলচরেল ফোরম, অগরতালাগী প্রসিদেন্ত ময়েংবম অভিরামনা থৌরম মপু ওইখি। ত্রিপুরাগী এম এল এ ভাগবন দাস, জৱাহরলাল নেহরু মণিপুর দান্স একাদেমি ইম্ফালগী রিতয়ার্দ দিরেক্তর লাইপুবম উপেন্দ্র শর্ম্ম, সাহিত্য একাদেমি নিউ দিল্লীগী মণিপুরী লেংম্বেজ এদভাইজরি বোর্দকী মেম্বর অশাংবম নেত্রজিৎ (এ সি নেত্রজিৎ), রিসার্চ ফোরম মণিপুর (রিফোর্ম) গী জেনরেল সেক্রেতরি লোংজম অরুন সমরেন্দ্র, পুথিবা ৱেলফেয়ার এন্দ কলচরেল সোসাইতি ত্রিপুরাগী সেক্রেতরি সিনম দিপক কুমার, সোসিএল এক্তিবিস্ত ঐচ প্রিয়ো কুমার, মণিপুরী লিতরেরি এন্দ কলচরেল ফোরম, ত্রিপুরাগী জেনরেল সেক্রেতরি খোইস্লাম মঙ্গল, অগরতলা ম্যুনিসিপাল কোর্পোরেসনগী কোর্পোরেতরশিং সান্তনা সাহ অমদি হরিসাধন দেবনাথনা ইকায় খুম্নরবা মীথুংশিং ওইনা শরুক য়াখি।
ত্রিপুরাগী মফম কয়াদগী লাকপা নিঙোল ১০০ রোম্না শরুক য়াখিবা নিঙোল চাকৌবগী থৌরম অদুদা ময়াম পূন্না চাক্লেন চামিন্নবখিবগা লোয়ননা নিঙোলশিংদা খুদোল পোৎ তমখি হায়রি।
সোর্স : পোক্লফম
0 কমেন্ট:
কমেন্ট তৌবিয়ু