• 98
• ২৫শে অক্টোবর ২০২৫ ইং
• Share on:

আমেরিকাগী নিয়্যু ইয়র্ক সিটিদা নিঙোল চাক্কৌবা থৌরম পাঙথোকখ্রে

 নিয়্যু ইয়র্ক, ওক্তোবর ২৫:  নোর্থ আমেরিকান বাংলাদেশ মণিপুরী সোসাইটি (N.A.B.M.S)না শীন্দুনা আমেরিকাগী  নিয়্যু ইয়র্ক সিটিদা লৈরিবা মণিপুরী নিঙোলশিংগী নিঙোল চাকৌবগী থৌরম অমা  ঙরাং (ওক্তোবর ২৪, ২০২৫) ইরাই নুমিৎ, কুইন্স বোড়োগী ওজোন পার্ককী (Ozone Park, Queens borough, NYC.) কমিউনিটি সেন্টার অমদা পাঙথোকখ্রে।

 নিয়্যু ইয়র্ক সিটি অসিদা লৈরিবা মণিপুরী নিঙোলশিংনা নাৎকী ওইবা ফিজোল শেত্‍তুনা অমত্তা ওইনা মৈতৈ নাৎকী নীংথিজরবা শক্তম কয়া উত্তুনা চাকৌবগি থৌরম অদুদা শরুক য়াখি। লোয়না মফম অদুদা লৈরিবা অহল-লমন, পিবা, নহারোল পুম্নমকসু য়াম্না হরাও তয়াম্না শরুক য়াখি হায়রি।

নিয়্যু ইয়র্ক সিটিদা পাংথোকখিবা চাকৌবগি থৌরম অদুদা শক্নাইরবা সোসিএল এক্টিভিষ্ট অমসুং অইবা তনুবাবু হামোম (Founder and Director, Chauba Memorial Manipuri Intellectual Property Museum (CMMIPM), Bangladesh)না অথোইবা মীথুংলেন, নোর্থ আমেরিকান বাংলাদেশ মণিপুরী সোসাইটি (এন এ বি এম এস)কী প্রসিদেন্ট সুনীল ক্ষেত্রিময়ুমনা থৌরম মপু অমসুং ওজা অরুন ফানজৌবম অমদি ওজা বিদ্যা নামৈরাকপমনা ইকায় খুম্নরবা মীথুংশিং ওইনা শরুক য়াখি।
 

পনবা য়াবদি, নিঙোল চাকৌবা কুহ্মৈগী নুংঙাইবা মীৎকূপশিং অদু ঈনাৎকী ওইবা কলচরেল পার্ফমেন্স অমসুং মখল মথেলগী ইন্তরতেনমেন্ত  প্রোগ্রাম কয়ানা মপূং ফাহনখি।  য়ুম পাল্লবী এন এ বি এম এসগী মৌ শিংনা ঈশে-জগোয় কয়া খুদোল তম্বগা লোয়ননা লৈশাবীশিংনসু নাৎকী ওইবা জগোয় কয়া শাদুনা তিনখিবা মীয়ামগী পূক্নিং পেলহনখি। লোয়ননা, অঙাংশিংনসু পুং য়ৈবা অমদি জগোয় মখল কয়া শাদুনা মখোয়গী তেলেন্তশিংসু উৎখি হায়রি। 

আমেরিকাগী নিউইয়র্ক সিটিদা পাঙথোক্লিবা কুমসিগী চাকৌবগী থৌরম অদুদা ময়াম পুন্না হরাও তয়াম্না চাক্লেন চামিন্নখিবগা লোয়ননা নিঙোলশিংদা খুদোল পোৎ তমখি হায়রি।