ত্রিপুরাগী মৈতৈ খুঙ্গং কয়াদা অথৌবশিংবু নিংশিং থৌরম পাঙথোক্কনি
আগরতলা, আগষ্ট ০৩ : চহী খুদিং তৌনা হন্দকসু চোইজাইননা তারিবা ত্রিপুরাগী মৈতৈ খুঙ্গংশিংদা অথৌবগী নুমিৎনি হায়না যুবরাজ টিকেন্দ্রজিৎ অমসুং জেনারেল থাঙ্গালবু ফাঁসি তৌদুনা হাৎখিবা আগস্ট ১৩ নুমিৎ নীংশিংদুনা শ্রদ্ধাঞ্জলি কৎপগা লোয়ননা পালন তৌগদৌরি। তখেন লৈমা তেংবাং লূপ অমসুং মণিপুর লিটরেরী এন্ড কালচারেল ফোরাম অনীনা খুৎশম্নরগা অথৌবগী নীঙশিং কুমওনসি শ্রদ্ধাঞ্জলি কৎপগা লোয়ননা থৌরম অসিগা মরী লৈননা খোংজোম পর্ব শকপগী থৌরম অমসু পাঙথোক্কনি হায়রি।
অদুগা হন্দক চহী রানীর বাজার মিউনিসিপাল কাউন্সি অমসুং জিরানীয়া ব্লক মখাদা লৈবা মৈতৈ মচাদা হায়ার সেকেন্ডারী অমসুং মেট্রিক পরীক্ষাদা মায় পাক্লবা অথোই অহেনবা মৈতৈ মহৈরোইশিং ওকপগা লোয়ননা শেলগী মনা পীগনি হায়রি। হন্দক চহীগী ১৩১ শুবা অথৌবা শ্রদ্ধাঞ্জলি কৎপা নুমিৎ অসি ত্রিপুরা মণিপুর স্টুন্ডেন্টস –য়ুথ কো অর্ডিনেশন কমিটি অমসুং মণিপুরী কাউন্সিল ত্রিপুরা অনীনা খুৎশম্নরগা রাধানগর মান্ডপতা পাঙথোক্কনি হায়রি।
উনকোটি ডিষ্ট্রিক্ট মনুং চন্না লৈবা ধনবিলাস মৈতৈ খুঞ্জাওদসু খুঞ্জাশিংনা শীল্লগা চহী খুদিং তৌনা অথৌবগী নুমিৎ আগস্ট ১৩ হন্দকসু পাঙথোক্কনি হায়না ধনবিলাসতগী খুঞ্জা খরনা পাউদমলক্লি।
সোর্স: মরূপ
0 কমেন্ট:
কমেন্ট তৌবিয়ু