আপডেট:
image

মপান্দা লৈরিবা মণিপুরীশিংনা চৎনবী ঙাক্নবা হোৎনরিবা থৌদাং থাগৎলি - ফিশারি মিনিষ্টার হৈখাম দিঙ্গো

ইম্ফাল, জানুয়ারি ১৬ : সোসল ওয়েলফেয়ার অমদি ফিশারি মিনিষ্টার হৈখাম দিঙ্গোনা মণিপুরগী মপান্দা খুন্দারিবা মণিপুরীশিংনা মশাগী নাৎ, চৎনবী অমসুং শক্তম ঙাক্নবা হোৎনবদা লেপ্পা লৈতনা লৌরক্লিবা থৌদাংশিং থোইদোক হেন্দোক্না থাগৎনিংঙাই ওই হায়না ফোঙদোকখ্রে।

ত্রিপুরাগী আগরতলাদা লৈবা অভয়নগরগী পুথিবা দেবতা বাড়ি মন্দিরদা থা অসিগী ১২ দগী হৌদুনা চত্থরিবা পুথিবা লাই হরাওবগী থৌরমদা ঙরাং মিনিষ্টার হৈখাম দিঙ্গোনা শরুক য়ারদুনা মখা তানা ফোঙদোকখিবদা, ত্রিপুরাদা পুথিবা লাই হরাওবা কম্মিটি অমসুং পুথিবা ওয়েলফেয়ার এন্দ কালচারেল সোসাইটিনা লাই হরাওবগী থৌরম নাৎকী চৎনবী ঙাক্না পাঙথোক্লিবা অসি য়াম্না থাগৎনিংঙাইনি।


মণিপুরীগী মপান্দা তোঙানা তোঙানবা ষ্টেটশিং অমদি লৈবাকশিংদা মণিপুরীশিংনা মখোয়গী হৌরকফমগী ওইবা নাৎ, চৎনবীশিং ঙাক্না মফমশিং অদুদা ঐখোয়গী ওইবা অশেংবা শক্তম অমা মাঙহন্দনা থম্লিবা অসি মশাগী থৌদাং খঙবা সিটিজেন অমগী তৌফম থোকপা থৌদাংনি। লোয়ননা ত্রিপুরাদা খুন্দারিবা মৈতৈশিংনা মতম কুইনদগী মমাঙদগী হোৎনদুনা লাকখিবা মণিপুর ভবন অমা শাবগী মঙলান অদু অথুবদা মঙফাওনরগনি। ইবুধৌ পুথিবনা কোল্লিবা মফম অসিগী মনুংদা মণিপুর ভবন অমা শানবা চীফ মিনিষ্টার নোংথোম্বম বিরেন অমসুং ত্রিপুরাগী চীফ মিনিষ্টার অনীগী মরক্তা পাউ ফাওনদুনা য়ানবদগী অথুবা মতমদা ভবন অসি শাবা হৌরগনি হায়খি।

Cover Photo Credit : @ Alex Babu

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু