গুৱাহাতিদা ওতোনোমস কাউন্সিলগী মতাঙদা মীফম পাঙথোকখ্রে
ইম্ফাল, জুলাই ১৮ : গুৱাহাতি মণিপুরী বস্তিদা মণিপুরী ওতোনোমস কাউন্সিল কোওর্দিনেসন কমিতিনা মীফম শীন্দুনা মণিপুরী বস্তিগী মৈরা পায়বী ইমাশিং অমদি অহল লমনশিংনা ফম্মীন্নদুনা ওতোনোমস কাউন্সিলগী মতাঙদা শ্রীশ্রী হরি মন্দিরদা মীফম ফমখ্রে।
বস্তিগী মৈরা পায়বীগী প্রেসিদেন্ত এল চম্পানা মীফম মপু ওইদুনা পাঙথোকখিবা খন্ন-নৈনবা অদুদা কে এস ঐচ সিংহজিৎ, জোইন্ত কনভেনর ওক্রম লক্ষিকান্ত, ভাইস চেয়ারমেন রোমেন লুৱাং, একজিক্যুতিব মেম্বরস জিরন অঙোম অমদি রাজেশ মঙাংনা মরু ওইবা ৱাফম কয়া থমখি। কমিতি অসিগী জোইন্ত কনভেনর রোশন ইরোম, মেম্বর অপু চিংঙাখম, রোশম য়েংখোমসু শরুক য়াখি।
ইমা মৈরা পায়বীশিংনা ওতোনোমস কাউন্সিলগী খোঙজং অসিদা শরুক য়ানবা হোৎনগনি, কমিতি অসিনা লৌরিবা খোংনাং খুদিংমক্তা অঙম্বা থাক্তা শরুক য়াগনি হায়বগী থাজবা পীরকখি হায়রি।
সোর্স: পোক্নফম
0 কমেন্ট:
কমেন্ট তৌবিয়ু