হাওবম পবনকুমার মেম্বর ওইনা খল্লক্লে
ইম্ফাল, জুলাই ১৮ : লমদমসিগী নহা ওইরিবা শক্নায়রবা ফিল্ম মেকর হাওবম পবনকুমারবু গৱাদা পাঙথোক্কদৌরিবা লেমজনীংঙাই ওইরবা ফিল্ম ফেস্তিবেল অমা ওইরিবা ৫৬ শুবা ইন্তরনেসনেল ফিল্ম ফেস্তিবেল ওব ইন্দিয়া (ইফি) গী স্তিরিং কমিতিগী নন-ওফিসিএল মেম্বর ওইনা খল্লক্লে।
মিনিস্ত্রি ওব ইনফোর্মেসন এন্দ ব্রোদকাস্তিংনা থোরকখিবা ওর্দর অমগী মতুংইন্না, চহীসিগী নবেম্ভরদা গৱাদা পাঙথোক্কদৌরিবা ইন্তরনেসনেল ফিল্ম ফেস্তিবেল অসিগীদমক লৈবাক অসিগী ফিল্মগী লমদা খঙ-হৈরবা মীওই ৩১ শাবা স্তিরিং কমিতিগী নন-ওফিসিএল মেম্বরিশিংগী মরক্তা মহাকপুসু খল্লকখিবনি।
কমিতি অসিনা মালেমগী খ্বাইদগী চাউবা ফিল্ম ফেস্তিবেলশিংগী মনুংদা অমা ওইরিবা ফেস্তিবেল অসিগী শীন-লাংবা অমদি ফিল্মগী মাস্তর ক্লাস, ফিল্ম ৱার্কশোপনচিংবা য়াওনা ইন্তরনেসনেল জুরি মেম্বর রিকমেন্দেসন তৌবা, ফেস্তিবেল অসিগী খ্বাইদগী মরুওইবা এৱার্দ ‘সত্যজিৎ রায় লাইফতাইম এচিবমেন্ত এৱার্দ’ রিকমেন্দেসন তৌবা, ইন্দিয়ান ফিল্ম পার্সনেলিতি ওব দা ইয়ার রিকমেন্দেসন তৌবা অমদি ৫৬ শুবা ইফিগী ওপনিং অমসুং ক্লোজিং ফিল্ম রিকমেন্দেসন অসিনচিংবা কয়াসি তৌগনি হায়রি।
সোর্স: পোক্নফম
0 কমেন্ট:
কমেন্ট তৌবিয়ু