‘নুংশিৎ শীৎতনা উনাসে লেঙলে’ ফোঙখ্রে
ইম্ফাল, ফেব্রুয়ারী ১৫ : একেন্দ্র তেন্সুবনা ইবা ‘নুংশিৎ শীৎতনা উনাসে লেঙলে’ হায়না মিংথোনবা ঈশৈ শৈরেংগী লাইরিক অমা ঙসি ফোঙখ্রে। মণিপুরী লিটরেরি সোসাইতি ইম্ফালনা শীন্দুনা ওল্ড এসেমব্লি রোদতা লৈবা মণিপুর হিন্দী পরিষদদা পাঙথোকখিবা লাইরিক অদু ফোঙবগী থৌরমদা সাহিত্য একাদেমি এৱার্দি য়ূমলেম্বম ইবোমচানা চীফ গেস্ত অমসুং মণিপুর লিতরেরি সোসাইতি ইম্ফালগী প্রেসিদেন্ত নোংমাইথেম কিরনকুমারান প্রেসিদেন্ত ওইনা শরুক য়াখি।
থৌরম অসিগা মরী লৈননা অইবা একেন্দ্র তেন্সুবনা হায়, ইং ১৯৯৭ তা এ আই আর ইম্ফালদা হান্নানা শন্দোকখ্রবা ঈশৈ ময়েক কয়াবু লাইরিক অসিদা অমুক হন্না ফোঙদোকপা য়াহনবগীদমক এ আই আর, ইম্ফালগী স্তেসন দিরেক্তর অধিকারিময়ূম গীতচন্দ্র শর্ম্মা অমসুং ঈশৈগী প্রোগ্রাম ওফিসার তোকেশ্বরী এলাংবম অনীবু তৌবীমল খঙবা ঊৎলি। মণিপুরী লিতরেরি সোসাইতি ইম্ফারগী মেম্বারশিং অমসুং য়াইবীরেন কম্যুনিকেসন্সকী ইমোজীৎ নিংঙোম্ববুসু তৌবীমল খঙবা ঊৎলি হায়না একেন্দ্রনা ফোঙদোকখি।
একেন্দ্র তেন্সুবনা ইবা ‘নুংশিৎ শীৎতুনা উনাসে লেঙলে’ হায়না মিং থোনবা ঈশৈ-শৈরেংগী লাইরিক অসিগী মতাঙদা ক্বাদ রাইটার্স মোইরাং গী প্রেসিদেন্ট সালাম তোম্বনা ৱা ঙাঙখি।
তুংদা থৌরম অদুগী চীফ গেস্ত য়ূমলেম্বম ইবোমচা অমসুং প্রেসিদেন্ত নোংমাইথেম কিরনকুমার অনীনা শৈদিন পুরেন ওইনা নুংশি শৈরোল শৈথা মিংথোন্দুনা অইবা-অইবী ৪৭ না শরুক য়াদুনা শৈরেং শৈদিন্নখি।
সোর্স: পোক্নফম
0 কমেন্ট:
কমেন্ট তৌবিয়ু