image

ৱাইখোম চীংখৈঙানবা ১সুং ক্ষেত্রিময়ূম সুবদনিদা সাহিত্য একাদেমি যুব পুরুস্কর ১ সুং সাহিত্য একাদেমি বাল সাহিত্য পুরুস্কর পীরক্লে

ইম্ফাল, জুন ১৫  : ইন্দিয়া লৈঙাক্কী মিনিষ্ট্রি ওফ কলচরগী ওটোনোমস ওর্গানাইজেসন অমা ওইরিবা সাহিত্য একাদেমিগী সেক্রেটরি ডা. কে শ্রীনিবাস রায়না ঙসি থোরকখিবা তোঙান তোঙানবা চেরোলশিংদা চৎলিবা চহী ২০২৪ গী ওইনা সাহিত্য একাদেমিগী য়ুব পুরুস্কর পীনবগীদমক তোঙান তোঙানবা লোল ২৩ গী অইবশিং খনগৎপদা মণিপুরী লোলগী ওইনা ‘অশিবা তুরেল কৌবা শৈরেং য়াওরক্তুনা শৈরেং লাইরিক অসিগী অইবা ৱাইখোম চীংখৈঙানবদা এৱার্দসি পীরগনি।

অদুগা সাহিত্য একাদেমি অসিগী বাল সাহিত্য পুরুস্কর ২০২৪ পীগদবা লোল ২৪ গী লাইরিকশিং খনগৎপদা মালেম অতিয়া’ কৌবা নোভেল অসি য়াওরক্তুনা লাইরিক্কী অইবী ক্ষেত্রিময়ুম সুবদনিনা পীরগনি হায়রি।

লৈবাক অসিগী তোঙান তোঙানবা লোল ২৩ অমসুং ২৪ দা মথংশিৎনা পীগদবা সহিত্য একাদেশি যুব পুরুস্কর ২০২৪ অমসুং সাহিত্য একাদেমিগী বাল সাহিত্য পুরস্কর ২০২৪ পীনবগীদমক ঙসি পাঙথোকখিবা সহিত্য একাদেমিগী এগজিক্যুটিভ বোর্দকী মীফম্না ৱারেপ লৌখিবনি। মীফম অসি একাদেমিগী প্রেসিদেন্ট মাধব কৌসিকনা ময়ায় তাংবল লৌদুনা পাঙথোকখিবগা লোয়ননা পুরুস্কর অনী অসিগীদমক মথংশিৎনা অইবা ২৩ অমসুং ২২ খনগৎখিবনি হায়রি।

সাহিত্য একাদেমি যুব পুরুস্কর ২০২৪ গী ওইনা সংস্কৃট লোলগী এৱার্দতি কোন্না লাউথোক্কনি হায়রি।পনবা য়াবদি, মনাশিং অসিদা কোরিদা হকপা প্লেক অমা অমসুং শেল ওইনা লুপা লিশীং ৫০/৫০ য়াওরিবনি। মনাশিং অসি সাহিত্য একাদেমিনা পাঙথোক্কদবা অখন্নবা থৌরম অমদা খনগৎলবা অইবশিং অসিদা লান্থোক্কনি হায়রি।

সোর্স:হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু