গোপাল শর্ম্ম এৱার্দ-২০২৪ মোইরাংথেম রাজেন্দ্রদা পীরগনি
ইম্ফাল, মার্চ ১১ : চহী খুদীং গী সাথৌলূপ (সাহিত্য থৌপাং লূপ) না মালেমগী শৈরেং গী নুমিৎকা মরী লৈননা পীবা গোপাল শর্ম্ম এৱার্দ-২০২৪ গী ওইনা মণিপুরগী মশক নাইরবা অইবা মোইরাংথেম রাজেন্দ্রদা পীরগনি হায়না লাউথোকখ্রে।
এৱার্দ অসি মার্চ ২১, শগেলশেল নুমিৎকী নুংথিল পূং ১.৩০ তাবদা মণিপুর প্রেস ক্লাবকী লোক্তাক হোলদা লান্থোক্কনি। এৱার্দ অসিদা শেল ওইনা লুপা লীশীং তরামঙা, সাইতেসন অমসুং সাল অমা য়াওরি।
থৌবাল দিস্তিক্তকী মনুং চন্না লৈবা তেন্থা খুঞ্জাওদা পোকখিবা মোইরাংথেম রাজেন্দ্র সিংহনা ঙসি ফাওবা মণিপুর সাহিত্যগীদমক লৌরিবা থৌদাং অসিবু শকখঙবা অমসুং ইকায়খুম্নবা ঊৎপা ওইনা এৱার্দ অসি পীগদবনি হায়রি।
এৱার্দ য়েন্থোকপগী থৌরমদা মণিপুর সাহিত্য পরিষদ ইম্ফালগী প্রেসিদেন্ত লোংজম জয়চন্দ্র সিংহনা চীফ গেস্ত অমসুং মণিপুর লিতরেরি সোসাইতিগী প্রেসিদেন্ত নোংমাইথেম কিরনকুমার সিংহনা প্রিসাইদ তৌগনি। মণিপুরগী অইবা ৩০ রোম্না শরুক য়াগদবা শৈরেং শৈদিন্নবগী থৌরম অমসুং সাহিত্য একাদেমি এৱার্দি কোইজম শান্তিবালা দেবীনা চেয়ার লৌদুন পাঙথোক্কনি হায়না সাথৌলূপকী সেক্রেতরি ময়েংলংবম উত্তমকুমারগী চেরোল অমনা হায়রি।
সোর্স: পোক্নফম
0 কমেন্ট:
কমেন্ট তৌবিয়ু