হুইদ্রোম প্রেমকুমার সিংহদা দোক্তরেত পীরে
ইম্ফাল, জুলাই ২৫ : ৱার্ল্ড কলচর এন্দ ইনভাইরনমেন্ত প্রোতেক্সন কমিতিনা থাঙ-তা ফেদারেসন ওব ইন্দিয়াগী তেক্নিকেল চিয়ারমেন অমসুং ৱার্ল্ড থাঙ-তা ফেদরেসনগী প্রেসিদেন্ত হুইদ্রোম প্রেমকুমার সিংহদা দোক্তরেত ইন থাঙ-তা (মার্সিয়েল আর্তস) পীদুনা ইকায়খুম্নখ্রে।
থাঙ-তা ফেদরেসন ওব ইন্দিয়াগী পাউনা হায়, ঙরাং য়ূমশকৈশা নুমিৎতা আই আই সি এনেক্স-১১, লোধি গার্দেন্স, লোধি ইস্তেত নিউ দিল্লীদা লৈবা সি দি দেমুক ওদিতোরিয়ামদা পাঙথোকখিবা এৱার্দস সেরেমোনিদা ওজা প্রেমকুমারদা ৱার্ল্ড কলচর এন্দ ইনভাইরনমেন্ত প্রোতেক্সন কমিসন্না দোক্তরেত ইন থাঙ-তা (মার্সিয়েল আর্তস) অদু পীদুনা ইকায়খুম্নখি।
মহাক্না থাঙ-তা মার্সিয়েল আর্তসকী লমদা কত্থোকপগা লোয়ননা হোৎনজরিবা অসিবু মশক খঙদুনা কম্মিসন অদুনা এৱার্দ অদু পীবিরকপগীদমক থাঙ-তা ফেদরেসন ওব ইন্দিয়ানা হায়নিংঙাই লৈতনা হরাওবা ফোঙদোকপগা লোয়ননা থাগৎপা ফোঙদোরক্লি।
সোর্স: পোক্নফম
0 কমেন্ট:
কমেন্ট তৌবিয়ু