নাওরেম মুনালদা ওনরেরি দোক্তরেত এৱার্দ পীরক্লে
ইম্ফাল, জুলাই ২৫ : জান্দেল ফোরেস্ত দিবিজন্দা এসিস্তেন্ত কঞ্জার্বেতর ওব ফোরেস্ত ওইরিবা ককচীং ময়ায় লৈকায়দগী নাওরেম মুনাল মৈতৈনা এনবাইরোনমেন্তগী মতাঙদা লৌরিবা থৌদাংবু শক খঙবা ওইনা ৱার্ল্ড কলচর এন্দ এনবাইরোনমেন্তেল প্রোতেক্সন কমিসন্না ওনরেরি দোক্তরেত এৱার্দ পীদুনা ইকায় খুম্নরক্লে।
ঙরাং নিউ দিল্লীগী লোধি রোদতা লৈবা ইন্দিয়া ইন্তরনেসনেল সেন্তরদা পাঙথোকখিবা থৌরম অমদা নাওরেম মুনাল মৈতৈদা লেমজনীংঙাই ওইরবা এৱার্দ অসি খূৎশিন্নরকখিবনি।
নাওরেম মুনাল মৈতৈ হৌজিক ফাওবদা এনবাইরোনমেন্ত, ফোরেস্ত, ৱাইল্ডলাইফ, গ্লোবেল ক্লাইমেত চেঞ্জ অমসুং বাইও-দাইবর্সিতিগা মরী লৈনবা পেপর অমসুং আর্তিকল ৩২০ গী মথক্তা ফোঙখ্রে। হৌজিক-হৌজিক দা পিপলস ক্রোনিকলদা কলমনিস্ত অমা ওইনা চাং নাইনা আর্তিকল কয়া ইদুনা ফোঙলি।
অমরোমদা, নাওরেম মুনালদা ৱার্ল্ড কলচর এন্দ এনবাইরোনমেন্তল প্রোতেক্সন কমিসন্না ওনরেরি দোক্তরেত এৱার্দ পীরকপদা ককচীং হায় স্কুল ইং ১৯৮৪ মেত্রিক বেতচ, লাইওন্স ক্লব ওব ককচীং গ্রেতর অমসুং ককচীং রন্নারসনা নুংঙাইবা ফোঙদোরক্লি।
সোর্স: পোক্নফম
0 কমেন্ট:
কমেন্ট তৌবিয়ু