আপডেট:
image

সঙ্গিত নাতক্কী এৱার্দ লাউথোকপদা মণিপুরগী শক্নাইরবা আর্তিস্ত কয়া য়াওরি

নিউদিল্লী, নভেম্বর ২৫ : জেনারেল কাউন্সিল ওব সঙ্গিত নাতক একাদেমি-দি নেশনেল একাদেমি ওব ম্যুজিক, দান্স এন্দ দ্রামা, নিউ দিল্লীনা থা অসিগী ৬ তগী ৮ ফাওবা নিউ দিল্লীদা পাঙথোকখিবা মীফম্না ইং ২০১৯, ইং ২০২০ অমসুং ইং ২০২১ গীদমক সঙ্গিত নাতক একাদেমি এৱার্দ (একাদেমি পুরস্কার) ফংগদবশিংগী মমিং লাউথোকখ্রে। এৱার্দ ফংগদবা অপূনবা আর্তিস্ত ১২৮ গী মনুংদা স্তেত অসিদগী আর্তিস্ত মঙা তোঙান তোঙানবা ফিল্তদা য়াওরি।

মণিপুরদগী একাদেমি পুরস্কার এৱার্দ ফংগদবা আর্তিস্তশিং অদুদি-ইং ২০২০গী সঙ্গিত নাতক একাদেমি (একাদেমি পুরস্কার) দা ম্যুজিক্তা এন ইরাবোৎ সিংহ (নট সঙ্কীর্ত্তন), দান্সতা অরাম্বম তোম্বীনৌ দেবী (ম্যুজিক ফোর ডান্স), থিয়েটার এন যাদুমনি সিংহ (স্তেজ দিজাইন) নি। মণিপুর দান্সতা শ্রুতি বন্ধোপাধ্যায়নি। সঙ্গিত নাতক একাদেমি (একাদেমি পুরস্কার) ইং ২০২১ দা দান্সতা থোকচোম ইবেমুবী দেবী (মণিপুরী দান্স অমসুং ত্রেদিস্নেল ফোক), ত্রাইবেল দান্স, ম্যুজিক, থিয়েতার এন্দ পপেত্রিদা এন তিকেন সিংহ (ফোক ম্যুজিক মণিপুরী) নি। হায়রিবা এৱার্দশিং অসিদা শেল ওইনা লুপা লাক্ষ অমা অমসুং তাম্্র-পত্র অমসুং অঙ্গবস্ত্রম য়াওরি।

আজাদি কা অমৃত মহোৎসবকী মখাদা সঙ্গিত নাতক একাদেমি অমৃত এৱার্দগীদমক অপূনবা আর্তিস্ত ৮৬ খনখিবগা লোয়ননা হীরম অসিদসু মণিপুরদগী আর্তিস্ত মরি এৱার্দ অসি ফংনবগীদক লাউথোকপদা য়াওখি। এৱার্দ ফংগদবা আর্তিস্তশিং অদুদি ৱাই যাত্রা সিংহ (নট সঙ্গীর্ত্তন), এনজিসালমো (ত্রাইবেল ম্যুজিক), হিজম তোম্বী সিংহ (মণিপুরী দান্স, ওবারওল কন্ত্রিব্যুসন, স্কোলার্শিপ ইন্ পারফোর্মিং আর্ত) অমসুং ঐচ বিশ্বরূপ সিংহ (থাঙ-তা) নি। হায়রিবা এৱার্দশিং অসিদা শেল ওইনা লুপা লাক্ষ অমা অমসুং তাম্র-পত্র অমদি অঙ্গবস্ত্রম য়াওরি।

সঙ্গিত নাতক একাদেমিনা ইং ২০১৯, ইং ২০২০ অমসুং ইং ২০২১ গী ওইনা উস্তাদ বিসমিল্লা খান যুব পুরস্কার এৱার্দ ফংনবগীদমক অপূনবা আর্তিস্ত ১০২ গী মমিং লাউথোকখিবদা অৱাং নোংপোক্কী স্তেতশিংদগী আর্তিস্ত ১৯ য়াওরি। মসিগী মনুংদা মণিপুরদগী পূন্না আর্তিস্ত মঙা য়াওরি। চহী ৪০গী মখাদা লৈবা আর্তিস্তশিংদা অখন্নবা পীবা এৱার্দশিং অসিগী মনুং দা উস্তাদ বিসমিল্লা খান যুব পুরস্কার-২০১৯ গী ওক্রম জেলেন সিংহ (মণিপুরী দান্স), হজারিময়ুম রোজি দেবী (থিয়েটার-প্লেরাইতিং, আদার ত্রেদিস্নেল ফোক) অমসুং সাইখোম সুরচন্দ্র সিংহ (পুং শাবা) নি। উস্তাদ বিসমিল্লাহ খান যুব পুরস্কার-২০২০ গী খাঙেম্বম খোনি (মণিপুরী দান্স) অমসুং অথোকপম সন্তোশ সিংহ (মেজর ত্রেদিসন ওব থিয়েটার-শুমাঙ লীলা) নি। এৱার্দ অসিদা শেল ওইনা লুপা লীশীং ২৫ পীগনি। এৱার্দ অসি অখন্নবা থৌরম অমদা সঙ্গিত নাতক একাদেমিগী চেয়ারমেন্না লান্থোক্কনি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু