শিলংগী মণিপুর ভবন লৈঙাক্না মীৎয়েং চংদ্রবদি মুৎখিবা য়াবগী ফিভমদা লৈরে: এস এম এস য়ু
ইম্ফাল, আগস্ট ০৫ : মণিপুর লৈঙাক্না শিলংদা লৈবা মণিপুর হাউস (রাজবাড়ি) অসি অথুবা মতমদা মিৎয়েং চংবিদ্রবদি মাংখ্রগনি হায়না শিলং মণিপুরগী ষ্টুডেন্ট য়ুনিয়ন (এস এম এস য়ু) গী প্রেসিডেন্ট চোংথাম থোঙম্বা মীতৈনা ফোঙদোরক্লি। মহাক্না ফোঙদোকপদা, ১৯৭৬ কি আগষ্টকি চৈচৎ ২৪ দা শিলং মণিপুরগী ষ্টুডেন্ট য়ুনিয়ন অসি লিংখৎখিবনি, ঙসি ফাওবা মীয়ামগী অমদি মালেমগী শাথিরবা লাইনা লাইচৎকি মতমদা য়ুনিয়ন্না মতেং কয়া পাংদুনা লাক্লি। অতৈ ষ্টেটশিং হায়বদি আসাম হাউস, নাগালেন্ড হাউস, ত্রিপুরা হাউস শিংদি ফজনা মেন্টেন তৌদুনা থম্লি অদুবু মণিপুর হাউস রাজবাড়ীগী ফিভম অসি য়াম্না শোকচিল্লে। মসিগী মতাংদা হান্নসু মণিপুর লৈঙাক্না পোয়েন্ট ৭ য়াওবা মেমোরেন্ডাম অমসু পিখিবা লৈখ্রে। অদুবু ঙসি ফাওবা থবক ওইনা তৌবিরকত্রি। মণিপুর হাউসকি হৌজিক ওইরিবা ফিভম অসিদা লৈঙাক্না য়েংশিনবিদ্রবদি মাংলগনি হায়রদুনা মণিপুরগী য়াম্না মরু ওইবা হিষ্টোরিকেল ওইবা মফম অসি শোয়দনা য়েংশিনবীয়ু হায়না আপিল তৌরক্লি।
হিরম অসিগী মতাংদা মণিপুরগী চীফ মিনিষ্টারনা শোয়দনা থবক ওন্থোকপিরকনি হায়না থাজৈ হায়না ফোঙদোক্লদুনা হিষ্টোরিকেল মিউজিয়াম অমা ওইনা থম্বিবা, মফমশি শেমগৎ শাগৎপা, টুরিষ্ট স্পোটনচিংবা ওইনবা হোৎনবিবা অসি লৈঙাক্কি মতেং য়াওদ্রবদি ঙম্লরোই হায়না মখা তানা ফোঙদোকখি। নিঙোল চাক্কৌবা শিলংগী চীফ এডভাইজর ওইবতা নত্তনা ইবুধৌ পাখংবা শঙলেন, লাইতুমখ্রা শিলোংগী এক্স জেনারেল সেক্রেটারী অথৌবা কোইজম্না ফোঙদোরকপদা, মণিপুরগী চীফ মিনিষ্টারনা শিলংদা লৈরিবা মণিপুরীশিং কনবিদুনা মণিপুর হাউস অসিবু শেমগৎ শাগৎপিয়ু হায়জরি।
মরমদি শিলংদা লৈরিবা মণিপুরীশিংনা করিগুম্বা থৌরম হায়বদি নিঙোল চাক্কৌবা, ১৩ আগষ্টনচিংবা থৌরমশিং পাথোক্কে হায়বদা ইশাগী লৈরিবা মণিপুর হাউস অসিদা ফজনা থম্বিদবা শিনা মরম ওইরগা মণিপুরগী সিএমনা মিৎয়েং চংবিদুনা শিলংদা থম্বিয়ু হায়খি। অতোপ্পা ষ্টেটকিদি আসাম ভবন, নাগালেন্দ ভবনশিং থমদুনা মশা মশাগী থবক থৌরমশিং পাঙথোকপদা শিজিন্নৈ অদুবু শিলংদা লৈবা মণিপুরীশিংদি লৈজদবনা শেল পীরগা মখোয়গী ভবনশিংদা থৌরম পাঙথোক্লিবসি ঐখোয়গী মণিপুর হাউস ফজনা শেম্বিদুনা থম্বিনবা ফোঙদোরক্লি।
সোর্স: পান্দম
0 কমেন্ট:
কমেন্ট তৌবিয়ু