মণিপুরগী লাইরিক হৈবা খুদিংমক মীতৈ ময়েক তমগদবনি
ইম্ফাল, অক্টোবর ১০ : মীতৈ ময়েক রিসার্চ সেন্টার (এম এম আর সী) গী থৌমীশিংবু মণিপুর লেঙ্গুয়েজ ডিপার্টমেন্ট ওইনা এপ্রুভ তৌগদবনি, কম্পিটেন্ট অথোরিটিগী নোলে
ইম্ফাল, অক্টোবর ১০ : মীতৈ ময়েক রিসার্চ সেন্টার (এম এম আর সী) গী থৌমীশিংবু মণিপুর লেঙ্গুয়েজ ডিপার্টমেন্ট ওইনা এপ্রুভ তৌগদবনি, কম্পিটেন্ট অথোরিটিগী নোলেজ য়াওদবা থবক চৎনবা য়ারোই, মণিপুর লৈঙাক্কী কন্সার্ণ ডিপার্টমেন্ট এম এম আর সী নত্তবা অতৈ লৈতৈ। মণিপুরগী লাইরিক হৈরে হায়বগী শকখঙচে সার্টিফিকেট পায়গদবনি হায়না এম এম আর সী মালোম (১) গী প্রেসিডেন্ট তোংব্রম মহেন্দ্র মীতৈনা ফোঙদোকখ্রে।
মণিপুর প্রেস ক্লাবতা পাঙথোকখিবা পাউগী মীফমদা তোংব্রম মহেন্দ্রনা মখা তানা হায়, এম এম আর সীগী থবক থৌরম খূদিংমক্তা লৈঙাক অমসুং মেছিনারিশিংগা খূৎ থিংজিনবা তৌবীগনু। ময়েক ২৭ লৈঙাক্না এপ্রুভ তৌরবনিনা এম এম আর সী খূৎশম্নবা (১) নত্তব অতোপ্পা লুপ অমত্তগা খুৎশম্নবা য়ারোই। চুম্না লাইরিক তম্বীদবদগী বি এ, এম এ ফাওবা মীতৈ ময়েক চৎনরবসু চৎনদবগা চপ মান্নরে হায়বদি লান্না তমশিল্লে হায়খি।
মহাক্না মখা তানা হায়, লৈঙাক্না লুপ কয়া শেমদুনা এম এম আর সী মালোম (১) বু ডোমিনেট তৌনবা হোৎনবসি লাল্লি, মখা তানা তৌবীগনু। এক্সপার্ট কমিটিগী ফাইন্ডিং বুক অদুগী লামায় ৬ শুবদা এল কুলচন্দ্রনা ময়েক ২৭ পুখৎলকই হায়বা অদুগী মতুং ইন্না ময়েক ২৭না ইবা, মীতৈলোল হায়বসি এম এম আর সী মালোম(১) গী লমজিং মখাদা ময়েক ২৭ ‘দা ৮ শুবা সেদ্যুল’দা য়াওহনগদবনি অমদি কারেন্সি নোটতা মীতৈ ময়েক্না ইহনগদবনি।
ৱাজরক্লবা মীওইশিংবু এপোয়েন্টমেন্ট তৌবীগদবনি। চঙগদবা শেনফম খুদিংমক লৈঙাক্না পীবিগদবনি। কুমজা ১৯৮০গী মতুংদগী সরকারনা লুপ খরগা পুনশিন্দুনা চত্থরিবা থবকশিং অসি তৌফম থোকপা থবক অমত্তা নত্তে। মণিপুর লৈঙাক্না এম এম আর সী মালোম (১) বু কম্পিটেন্ট অথোরিটিনি হায়না মীওই ৭০০ লৈঙাক্না রেকম্মেন্ড তৌখ্রবনি। মসিগী ৱাংমদা থবক পায়খৎলক্লবদি চৈরাক ফংলোই হায়নিংঙাই লৈতে।
লোন অসি মশাগী ময়েক্কা তৎনা-থানবা য়াদে। মদুনা লমদমসিগী মীওইশিংনা মীতৈলোন ইনবা ময়েক থিজরম্মী। মখোয়গী মনুংদা এম এম আর সী মালোমসু অমা ওইরম্মী। নিংথৌ পাল্লিঙৈ মতমদা ময়েক মখল য়াম্ন হৈবা মীওইশিংবু কলম য়াম্না হৈবা মীনি হায়না ইকায় খুম্নরম্মী।
মহেন্দ্রনা মখা তানা হায়, মণিপুরগী লৈমায়দা তোঙান তোঙানবা ময়েকশিংনা ইবা পুয়াগী লাইরিকশিং লৈরম্মী। লমদম অমা মশাগী লোন অমা, লোন অদুবু ইনবা ময়েক অমা লৈতবা য়াদবনি। অসিগুম্বা মচাকশিং ৱাৎলবদি কাঙলুপ অদু অরিবা মতমদগী হৌরকপা কাঙলুপ নত্তে হায়না লৌনৈ। এম এম আর সী মালোম (১) মীতৈ লোলনা মশাগী ওইবা খোন্থোকশিংবু মচেৎ মচেৎ কয়া থোক্না থুগায়দুনা থিরগা মশাগী খোন্থোক ২৭ চঙই। খোন্থোকশিং অদুবু মহুৎ শিন্দুনা ইনবা ময়েক ২৭ চঙই। খোন্থোক ময়েকশিং অদুবু মপূং ফানা শম্নদুনা ইনবা লোল শুবা ময়েক ৭ চঙই হায়খি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু