মীতৈ ফুরুপ মাইনোরিটি তারক্লে, অকি তুজুংনীংঙাই ওইবা ফীভমদা লৈরে: এম এল এ কুঞ্জকেশ্বর
ইম্ফাল, আগস্ট ১৭ : মৈতৈ ফুরুপ অসি অকি তুজুংনীংঙাই ওইবা ফীভমদা লৈরে, মাইনোরিটি তারক্লে। চহী ১০ ফাওবগী মনুংদা ফীভম অমা শেমহৌদ্রবদি ঐখোয়গী ফুরুপ অসি হিংগনি হায়বা থাজদ্রে হায়না মনিত্রোনগী চেয়ারমেন সাপম কুঞ্জকেশ্বর (কেবা) না ফোঙদোকখ্রে।
ৱাফম অসি ঙসি ময়ায় কোইবী মমাঙ লৈকায় দিভেলপমেন্ট এসোসিয়েসন্না শীন্দুনা লৈকায় অসিগী কম্ম্যুনিটি হোলদা পাঙথোকখিবা ইন্টারনেসনেল সোসল ৱার্কর এৱার্দি থাংজম জোসিকান্ত মৈতৈবু ওকপগী থৌরমদা অথোইবা মীথুংলেন ওইরদুনা ফোঙদোকখিবনি।
মহাক্না হায়, মৈতৈগী ওইরিবা ফীভমসিদা ঐখোয় মশেল অমত্তা ওইনা পূনশিনবনা অমত্তা ঙাইরবা পাম্বৈ ওইগনি। মণিপুরদা ময়াই কাবা চিঞ্জাক্কী ঈপাক্তা লূপ্তুনা হৌরক্লিবা তুংগী য়ুম্বুরেল ওইগদৌরিবা নহারোল, নুপী অঙাং কয়া অমদি মৌ নহা কয়া ফাওবা ময়াই কাবা চিঞ্জাক্কী ঈরোলনুংদা লুপশিনবা হৌরক্লে। হৌজিক লমদম অসিগী খুন্নাই য়াম্না তংদু লৈতাদবা অমা ওইরক্লে ফীভমসিদা লমদমসিগী মীওইশিং ৱাখল তামিন্নদুনা খুন্নাই অসিবু লম্বীদা পুরক্নবা হোৎনরসি হায়খি।
থৌরমগা মরী লৈননা রিদমস ওফ মণিপুরনা কালচারেল প্রেগ্রাম অমসু উৎখিবগা লোয়ননা থৌরম শিনখিবা ময়ায় কোয়বী মমাঙ লৈকায় দিভেলপমেন্ট এসোসিয়েসনদা এমএলএনা শেল ওইনা লুপা লিশীং ১০ পীখি।
ঙসিগী থৌরম অদুদা এসোসিয়েসনগী প্রেসিদেন্ট নামৈরাকপাম হেরামনিনা থৌরম মপু ওইখিবগা লোয়ননা অথোইবা মীথুংলেনশিংদা আর দি এন্দ পি আরগী এস এন ও কে ঐচ ইবোচৌবা, নেসনেল অমসুং ইন্টারনেসনেল এৱার্দি ঐচ ইবোতোম্বী খুমন, কংলামৈগী প্রেসিদেন্ট ৱাই লৈরিকলৈমা, কংলৈ ইমা লূপকী প্রেসিদেন্ট আর কে সনাহনবী, ইম্ফাল মিউনিসিপাল কোর্পোরেসনগী ৱার্দ নম্বর ১০গী এক্স কোর্পোরেটর সলাম টিকেন অমসুং পোল স্টার থিয়েটারগী দিরেক্টর পেবম বিরকুমারনা অখন্নবা মীথুংলেনশিং ওইখি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু