আপডেট:
image

মীকপ থোক্লসি ঐখোয় হায়বা খোল্লাউ পুদুনা চৎলিবা খোঙচৎকী মখা তাবা ওইনা খন্ন-নৈনখ্রে

ইম্ফাল, এপ্রিল ০৫ : লক্ষিনগড় কাছারগী মণিপুর য়ুথস ফ্রন্ট অব আসাম (মাইফা)গী মীকপ থোক্লসি ঐখোয় হায়বা খোল্লাউ পুদুন চৎলিবা খোঙচৎকী মখা তারকপা ওইনা ঙসি জিরিঘাট লক্ষিনগড়দা লক্ষিনগর দিভেলপমেন্ট ক্লাবনা শীন্দুনা মীফম অমা পাঙথোক্তুনা খন্ন-নৈনখ্রে। মীফম অদুদা পাউনম অরুননা মীফম মপু, য়ু সী এমগী কন্সল্টেটিভ কম্মিটি মেম্বার খোমদ্রাম রতননা অথোইবা মীথুংলেন, য়ু পি এফকী এদভাইজর এল জাদুমনি, য়ু পি এফকী প্রেসিদেন্ট রুপচন্দ্র, এ এম এম পি এ এলগী প্রেসিদেন্ট ভেনি মিশ্রা, জে দি ওগী প্রেসিদেন্ট সদানন্দ মীতৈ, মাইফাগী প্রেসিদেন্ট থাংজম ব্রোজেন, জিম্পালগী এদভাইজর শরত শর্ম্মা অমদি আব্দুল হামিদনা অথোইবা মীথুংশিং ওইদুনা শরুক য়াখি।

মীফম অদুদা শরুক য়াখিবা সেরাম হেরাজিৎনা ফোঙদোকখিবদা, ঐখোয়গী ইমালোল নোংমা-নোংমগী শিথরকপা লোল অমা হায়বদু ওইরক্লি। মরম অদুনা ঐখোয়না ঐখোয়গী ইমালোলবু কন্ননবা হোৎনমিন্নসি। ইমালোলনা লাইরিক তম্বগী খুদোংচাবা ফংলবসু লৈঙাক্কী থবক তৌবগী খুদোংচাবা ফংদবা হায়বসি ঐখোয়গী তুংগী মীরোলগীদমক্তদি য়াম্না লাইবক থীবনি। মরম অদুনা ঐখোয়না ঐখোয়গী ইমালোল আসামদা কন্নবা হোৎনমিন্নসি হায়খি।

থৌরম অদুদা য়ু পি এফকী প্রেসিদেন্ট রুপচন্দ্রনা হায়খি ঐখোয়না ঐখোয়গী ইমালোল কন্নবা হোৎনবাদ মণিপুরদা লৈরিবা সী এস এ খূদিংমক্না মপুং ফানা শৌগৎকনি হায়খি। লোয়ননা এল জাদুমনিনা হায়খি, ঐখোয়না ঐখোয়গী ইমালোল কন্নবগীদমক আসামদা খুন্দারিবা মীতৈ অমসুং মীতৈ পাঙল পুন্না কন্ননবা হোৎনমিন্নরসি। ঐখোয়গী ইমালোল আসামদা তুং কোয়না হিংহন্নবা হোৎনবদা ঐখোয়সু থৱায় হকচাং য়াওনা শৌগৎচরি হায়বনচিংবা ৱাফমশিং ফোঙদোক্নখি।

মীফম অদুদা ইমালোল কন্নবগীদমক খোল্লাউ কয়া লাউখিবগা লোয়ননা শরুক য়াখিবশিংনা অঙম-অঙম্বা শেলগী মতেংশিংসু পাংনখি হায়রি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: