আপডেট:
image

মণিপুর হোক্কীনা সুশিলা, নিলকান্ত তরাম্না ওকখ্রে

ইম্ফাল, আগস্ট ১৪: বার্মিংহাম কমনওয়েল্থ গেমস ২০২২ দা নুপীগী হোক্কীদা ব্রোঞ্জ মেদেল লৌরকখ্রবী সুশিলা চনু পুখ্রম্বম অমদি নুপাগী হোক্কীদা সিলভর মেদেল ফংলকখ্রবা শংলাকপম নিলকান্ত অনিনা ঙসি ইম্ফালগী বির টিকেন্দ্রজিৎ ইন্টারনেশনেল এয়ারপোর্টত তোঙান-তোঙানবা পুংফমশিংদা হেক থুংলবগা মণিপুর হোক্কীনা শীন্দুনা ওকপগী থৌরম অমা পাঙথোকখ্রে।

ওকপগী থৌরম অদুদা হোক্কী ইন্দিয়াগী ভাইস প্রেসিদেন্ট গ্যানেন্দ্রো নিংঙোম্বম, মণিপুর হোক্কীগী প্রেসিদেন্ট খোইরোম লোয়ালাকপগা লোয়ননা মেম্বারশিংসু শরুক য়াখি। কমনওয়েল্থ গেমস ব্রোঞ্জ মেদেলিস্ট সুশিলা পুখ্রম্বমনা এয়ারপোর্টতগী মহাক্কী পোক্নফম লমদম ইম্ফাল ওয়েষ্টকী থাংমৈবন্দ হিজম দেৱান লৈকাইদা হেক থুংলবগা থাংমৈবন্দ য়ুথ সেন্টারনা শীন্দুনা ওকপগী থৌরম অমসু পাঙথোকখ্রে। থৌরমগা মরী লৈননা লৈকাইগী মীয়াম্না অচম্বা খূদোল পীদুনা সুশিলাবু পূক্নিং থৌগৎখি।

অমরোমদা, পোষ্টারিয়ার হোক্কী একাদেমি মণিপুর (ফাম) না শীন্দুনা থংমৈবন্দদা লৈবা একাদেমি অসিগী শঙলেন্দদা সুশিলা অমদি নিলকান্ত অনীবু ওকপগী থৌরম অমসু পাঙথোকখি। পনবা য়াবদি, ইন্দিয়াগী নুপী হোক্কী টিমনা অষ্ট্রেলিয়াগী মখূৎতা সেমীফাইনেলদা পেনাল্টি শুটআউটতা মায়থীহৌদুনা ব্রোঞ্জ মেদেল ফংহৌখিবনি। ইন্দিয়াগী নুপাগী হোক্কী টিমনা ফাইনেলদা অস্ট্রেলিয়াগী মখূৎতা ০-৭ তা মায়থীহৌদুনা সিলভার মেদেল ফংহৌখিবনি।

সোর্স: হুইয়েন লানপাউ.

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু