মণিপুরী সাহিত্য পরিষদকী মনা-মথুমশিং লান্থোকখ্রে
ইম্ফাল, জুলাই ২৭ : মণিপুরী সাহিত্য পরিষদ, ইম্ফালগী ৮৯ শুবা মপোক কুমওন অমসুং ৮৮ শুবা চহীগী মীফমগা লোয়ননা পরিষদ অসিনা তোঙান-তোঙানবা লমদা থোইদোক-হেন্দোক্না শকখঙলবশিংদা ইকায় খুম্নবা ঊৎতুনা পীবা উপাধি, শেলগী মনা, সনাগী মেদল অমসুং লাইরিক্তা পীবা শেলগী মনা লান্থোকপগী থৌরম অমা ঙসি জি এম হোলদা পাঙথোকখ্রে।
মনাশিং অসি লান্থোকপগী থৌরম অদুদা শক্নাইরবা ফিল্ম মেকর অরিবম শ্যাম শর্ম্মানা চীফ গেস্ত, মণিপুরী সাহিত্য পরিষদ, ইম্ফালগী প্রেসিদেন্ত লোংজম জয়চন্দ্রনা প্রেসিদেন্ত অমসুং মমীং লৈরবা সংকীর্ত্তনগী গুরু লৈমপোকপম লাকপতিনা গেস্ত ওব ওনর ওইনা শরূক য়াখি।
থৌরম অদুদা চীফ গেস্তকী ৱারোল পীরদুনা শক্নাইরবা ফিল্ম মেক্কর অরিবম শ্যাম শর্ম্মানা হায়, খুন্নাই অমগী চৎন-লোনচৎ, ফীবম অমদি খুন্নাই অদুগী ওইরিবা শক্তম কয়া অসিবু ময়েক শেংনা তাক্লিবসি ঐখোয়গী কলচর অমসুং লিতরেচরননি। ইং ১৮৯১ দা থোকখিবা খোংজোমগী লানফম অদুদা মণিপুর মায়থীখি। অদুবু মায়থীরবসু লান অদুগী মতুংদা থোকখিবা অৱা-নুংঙাই কয়াগী ইমোসন অদুদগী খোংজোম পর্ব হায়বসি পোক্লকখিবনি। মসিনা থেঙখাং কয়াদা খম থেংনা অৱাবা কয়া মায়োক্নরবসু নীংহন্নবা লৈতবা ৱাখল্লোন শন্দোকপগা লোয়ননা অনৌবা ইনোৎ অমসুং থৌনা কয়া পীখি।
অসুম্না খোংজোম পর্বনা খোংজোম লানগী থৌদোক অদুগী ৱারী লীদুনা হৌরক্লিবা মীরোলদা খঙহনবদা নৎতনা অনৌবা ঈথিল অমসু পীদুনা অনৌবা থৌনা হাপ্লি। আর্ত এন্দ কলচর অমদি লিতরেচরনা লৌরিবা থৌদাং কয়া অসি খঙনা লমদম অসিবু কন্নবগীদমক লমসিদা লৈরিবা ঐখোয় পূম্নমক্না অঙম্বা থৌদাং অদু লৌমিন্নসি হায়নসু মহাক্না মখা তানা ফোঙদোকখি।
ঙসি মণিপুর সাহিত্য পরিষদকী উপাধি পীদুনা ইকায় খুম্নখিবশিং অদুদি মথংশীৎনা সাহিত্যভূষণদা ৱাংখৈ য়োংলনা লৈরক্তগী বি এম মাইস্নাম্বা (মাইস্নাম ব্রজমনি), কাব্যভুষণদা কৈশাম্পাৎ লৈমজম লৈকায়দগী য়ূম্লেম্বম ইবোমচা, সঙ্গীতভুষণ (মতম ঈশৈ) দা থাংমৈবন্দ হিজম দেৱানা লৈকায়দগী শগোলশেম বিশ্বরূপ, সঙ্গীতভুষণ (নত-সংকীর্তন) দা খুরায় নান্দৈবম লৈকায়দগী অরাম্বম তোম্বীনৌ, নাত্যভুষণ (স্তেজ লীলা) দা হিয়াংথাং মখা লৈকায়দগী লোইতোংবম ব্রজমোহন, নাত্যভুষণ (গৌরলীলা) দা খোংমন জোন-৫ দগী থোংঙাম ওংবী পুন্সি দেবী, শিল্পভুষণ (পুং তিংবা) দা হৈরোঙ্গোইথোং য়াঙম লৈরক্তগী মোইরাংথেম নবদ্বীপ, নৃত্যভুষণ (রাস) তা বামোন লৈকায় পুরিৎময়ূম লৈরক্তগী শরাংথেম থম্বালতোম্বী দেবী, কলাভুষণ (ৱারী লীবা) দা থৌবাল খেকদনদগী য়েংকোকপম জুগিন্দ্রো, কলাভূষণ (থাঙ-তা) দা নম্বোল অৱাং লৈকায়দগী হাওরোংবম বিশ্বরূপ, কলাভূষণ (লাই য়েকপা) দা লাইরিকয়েংবম মখা লৈকায়দগী চনমথাবম প্রেমানন্দ রোয় অমসুং বাদ্যভূষণদা বাশিখোংদগী নিংঙোম্বম ইরাবোৎনি।
পরিষদকী শেলগী মনা ফংখ্রবশিং অদুনা ক্ষেত্রি নৱাং শেলগী মনাদা পিশুব নিংঙোম লৈরক্তগী খোইস্নাম কৃত্তি, ক্ষেত্রি অচৌ শেলগী মনাদা থাংমৈবন্দ লাইরেনহঞ্জবা লৈকায়দগী য়ূম্নাম যাত্রা, কাংঙবম ইবোমচা শেলগী মনাদা চীংঙামখা মাইবম লৈকায়দগী থোকচোম ইবোহল, হাওবম ইবুংঙোয়াইমা নীংশিং শেলগী মনাদা শগোলবন্দ মৈনো লৈরক্তগী অরাম্বম লোকেন্দ্র, কৈশাম মনিকচান্দ এৱার্দতা ব্রহ্মপুর বৈগ্যবতি লৈকায়দগী নিংথৌজম খোমৈতোন, মাইরেম্বম অহোংজাও অমসুং খ্বাইরাকপম মোহন সিংহ শেলগী মনাদা য়ূম্নাম হুইদ্রোম, ৱাঙ্গোইদগী খুংখাম বসন্ত, অরাম্বম তোলেন সিংহ শেলগী মনাদা উরিপোক নাউরেমথোং তখেল্লম্বম লৈকায়দগী পুখ্রম্বম রিপা দেবী অমসুং ব্রজবাঁসিময়ুম কুঞ্জেশ্বরী দেবী নীংশিং মনাদা উরিপোক নিংথৌখোংজম লৈকায়দগী নিংথৌখোংজম মেধাজিৎনি।
পরিষদনা পীবা সনাগী মেদল ফংখ্রবশিং অদুনা কোঞ্জেংবম ধন নীংশিং সনাগী মেদলদা কৈশামথোং লোংজম লৈরক্তগী মোইরাংথেম লোংজম লৈরক্তগী মোইরাংথেম মৈন্য, গম্ভীনি রঞ্জনা সনাগী মেদলদা ক্বাকৈথেল থৌনাউজম লৈকায়দগী লাইশ্রম ইতোমচা, থৌরানিশাবী সনাগী মেদলদা মোংশাংগৈ স্কুল লম্পাক্তগী গোতিময়ুম লতাসনা দেবী, হৈস্নাম অশংবী সনাগী মেদলদা নোংমৈবুং চকপ্রম লৈকায়দগী ফুরিৎশাবম দেবযানি দেবী অমসুং রাঃ কুঃ য়ুমজাওসনা নীংশিং সনাগী মেদলদা কৈখু ক্ষেত্রিগাওদগী গোলমৈ গানদুমপুনি।
লাইরিক্তা পীবা শেলগী মনা ফংখ্রবশিং অদুদি নোংথোম্বম কুঞ্জমোহন সাহিত্য মনাদা শগোলবন্দ নেপ্রা মেঞ্জর লৈকায়দগী দাঃ মায়া নেপ্রম, রাণী খেরদানী (এলাংবী) দেবী মনাদা পেলেস কম্পাউন্দ মহাবলি মমাঙদগী খুমন্থেম সুন্দরী, মাইস্নাম ওজা তোম্বী ক্রিতিক এৱার্দনা লাংজিং অচৌবদগী দাঃ সলাম শান্তিবালা দেবী, বী এম নোভেল এৱার্দনা খোংমন মংজিনদগী মোইরাংথেম প্রিয়োব্রত, এলাংবম দিনমনি সাহিত্য মনাদা কৈশাম্পাৎ থোকচোম লৈকায়দগী মুতুম রমনী দেবী, অশাংবম মীনকেতন অঙাং নৱা সাহিত্য মনাদা লৈফ্রাকপম, ৱাঙ্গোইদগী ময়েংবম শান্তোমনি সিংহ, য়ূম্নাম লালা অমসুং বিধুমুখি নীংশিং মনানা লাঙ্গোল হাউসিং কমপ্লেক্সতগী সোনিয়া খুন্দ্রাকপম, সৌগাইজম জিতেন্দ্র (সিদাম) অমসুং রুহিনী নীংশিং মনাদা শগোলবন্দ মৈনো লৈরক্তগী দাঃ থৌনাউজম চনু ইবেমহল, লবুক্তোংবম রঘুমনি শর্ম্মা ত্রান্সলেসন এৱার্দতা য়াইরিপোক পোইরৌখোংজিনদগী তেনশুবম কুঞ্জেশ্বর অমসুং লৌরেম্বম ইবোয়াইমা সিংহ ত্রান্সলেসন এৱার্দতা হাওবম মরক কৈশাম লৈকায়দগী লাইশ্রম সোমোরেন্দ্রনি।
লোয়ননা লাইরিক্তা পীবা সনাগী মেদল ফংখ্রবশিং অদুনা কামিনীকুমার সনাগী মেদলদা লৈহৌপোকপী হাইলাকান্দি, আসামদগী মৈস্নাম ভগৎ অমসুং য়ামিনী শুন্দর গুহা গোল্ড মেদলদা ককচীং ময়ায় লৈকায়দগী মোইরাংথেম রাজেন্নি।
সোর্স: পোক্নফম
0 কমেন্ট:
কমেন্ট তৌবিয়ু