চহী ৬০ শুরবা মণিপুরী সাহিত্য পরিষদগী অহানবা ওইনা বামুটিয়া ব্রাঞ্চ হাংলে
আগরতলা, ২ আগষ্ট : মণিপুরী সাহিত্য পরিষদ, ত্রিপুরাগী শাংখ্রবা চহী ৬০ গী ডায়মন্ড জুবিলিগী তাঙ্কক মতম অসিদা পরিষদ অসিনা অহানবা ওইনা বামুটিয়াদা ব্রাঞ্চ অমা হাংবা ঙমখ্রে। চহী কয়া হোৎনদুনা লাকপগী মহৈ য়াল্লে। সাহিত্য পরিষদ অসিগী জেনারেল সেক্রেটারী থৌদাম নীলকুমার সিংহনা থাদোরকপা চেরোল মতুং ইন্না চৎখিবা জুলাই তাং ২১, বামুটিয়াদা পাঙথোকখিবা মীফম অমাদ পরিষদ অসিগী বামুটিয়া ব্রাঞ্চ হাংবনি।
ব্রাঞ্চ কমিটিদা থাংজম রথীন্দ্র সিংহ (প্রেসিডেন্ট), কেএসএইচ জিতেন্দ্রজিৎ সিংহ (ভিপি), ময়েংবম প্রদ্যোত সিংহ (সেক্রেটারী), অঙ্কুর (এস. সেক্রেটারী), টি নিখিলেশ দত্ত (ট্রেজারার) অদুগা মেম্বর ওইনা থাংজম শ্যামল, খাইদেম জয়মনি সিংহ, ফিজবম পুস্পিতা, নোংরাকপম সুদীপ দত্ত, তখেল্লম্বম অমৃতা দত্ত, অনুপম শর্মাবু খল্লে হায়রি। লোয়ননা মীওই ৫ না শাবা এডভাইজরি কমিটিদা এন হেমন্ত, ফিজবম নৃপেন্দ্র দত্ত, এন রবীন্দ্র অমসুং এফ দীনমনি য়াওরি হায়না চেরোল অদুদা পল্লি।
বামুটিয়াগী শক্নাইরবা এন হেমন্ত দত্তনা ময়াই তাংবল লৌদুনা পাঙথোকখিবা মীফম অদুদা আগরতলাদগী সাহিত্য পরিষদ অসিগী প্রেসিডেন্ট লাংগোনজম বীরমঙ্গল সিংহ, ভাইস প্রেসিডেন্ট এস খেলামোহন সেন, জেনারেল সেক্রেটারী টি এইচ নীলকুমার সিংহ অমসুং টি যোগেন্দ্র দত্ত শরুক য়াখি হায়না পাউদা হায়রি।
সোর্স: মরূপ
0 কমেন্ট:
কমেন্ট তৌবিয়ু