মণিপুরদা চৎনরিবা ময়েক আসামদস ঐখোয়গী ময়েক ঐখোয় খঙদবা য়াদে
আগরতলা, মার্চ ২২ : মীলাল, আসাম পানাগী লমজিং মখাদা কামারবন্দ রাইজিং য়ুথ কমিটিনা শীন্দুনা পুরান্দপুর মণিপুরী এল. পি. স্কুলদা নোংমগী ওইবা মীতৈ ময়েক তম্বীবগী থৌরম অমা পাঙথোকখ্রে। থৌরম অদুদা মীলাল পানাগী লুচিং পুরেল শেরাম হেরাজিৎ, মাইফাগী প্রেসিদেন্ত থাংজম ব্রজেন্দ্র, য়ুথস কমিটিগী প্রেসিডেন্ট বি কিষান চন্দ্র শর্ম্মা, এডভাইজর এম দীজেন, এস চন্দ্রজিৎ, এস ব্রজকুমার, এস হেমন্ত, এম কিরন নচিংবা মীওইশিং শরুক য়াখি।
থৌরম অদু মহৈরোইশিংতা নত্তনা অহল লমন ইমা ইবেলশিংসু শরুক য়াখি। আসাম লৈঙাক্না ইং ২০০৬ দগী মণিপুরদা তম্বী তাকপীবা হৌখিবা মীতৈ ময়েক অসিমক আসামদসু এলপি স্কুলশিংদা তম্বা য়ারনি হায়না আসামগী কেবিনেটনা ৱারেপ লৌখ্রবনিনা ঐখোয় ইশাগী লোল ইশাগী ময়েক খঙবা হায়বসি ঐখোয়গী থৌদাংনি হায়না মিলাল আসাম পানাগী লুচিংপুরেল শেরাম হেরাজিৎনা ফোঙদোকখি।
সোর্স: মরূপ
0 কমেন্ট:
কমেন্ট তৌবিয়ু