আপডেট:
image

লৈঙাক্তা মেমোরেন্ডাম পীশিনখিবা লৈখ্রে, মৈতৈ ময়েক তম্বী তাকপীবগী থৌরম মখাতানা পাঙথোক্কদৌরি

 আগরতলা, মার্চ ২২ : ‘ইয়েক্না ইপানি ইরোলনা ইমানি’ পান্দম অসিগী মখাদা লেপ্তনা চত্থরিবা থৌরমগী শরুক অমা ওইনা মণিপুরী লিটরেরী এ্যন্ড কালচারেল ফোরাম, ত্রিপুরানা শীন্দুনা মথং মনাও নাইনা ত্রিপুরাদা মৈতেনা তাবা মফমশিংদা মৈতে ময়েক মশক খঙহনবগী থৌরম মখাতানা অমুক পাঙথোক্কদৌরি। মথং থা এপ্রিলদগী অমুক মৈতৈ ময়েক মশক খঙহনবগী থৌরম চত্থরগনি হায়না ফোরাম অসিগী সেক্রেটারী খোইস্নাম মংগলনা হায়রি।

মতমগী মীরোলনা মশাগী ময়েক মশানা ইবা-পাবা ঙম্ননবা হৌখিবা চহী খরগী মমাংদগী খুঙ্গং কয়াদা চৎতুনা থৱায় য়াওবশিংদা মৈতৈ ময়েক মপী তম্না লাইরিক লেম্না ফংহনখিবগা লোয়ননা ময়েক মশক খঙহনবগী থৌরমসু পাঙথোক্তুনা লাকখিবনি হায়রি। মহাক্না ত্রিপুরাদা মণিপুরী লোল তম্বী তাকপীরি হায়রিবা স্কুলশিংদসু বাংলা ময়েক্কী মহুত্তা মৈতৈ ময়েক তম্বীবা হৌদোকপীনবা দাবী তৌদুনা লুপ অসিনা লৈঙাক্কী শিক্ষামন্ত্রীদা মেমোরেন্ডাম পীশিনখিবসু লৈখ্রে হায়বা ৱাফমসু ফোঙদোকখি। পনবা য়াবদি মণিপুরী লোলগী এডভাইজরি কমিটিগী মীফমদসু দাবী অসিগী মতাংদা মীৎয়েং চঙশিনখিবসু য়াওখ্রে।

সোর্স: মরূপ 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: