মণিপুরগী পুৱারীদা নুপীগী নুমিৎ ‘নুপীলাল’ -- -তোলেনসানা
মণিপুরী খুন্নাইগী ইতিহাসতা শীংথাবা য়াবা অখন্নবা নুমিৎ অমনি ডিসেম্বরগী ১২ ‘নুপীলাল নুমিৎ’। মণিপুরগী ইতিহাসতা ইং ১৯০৪ দা নুপীগী ঈহৌ অমা লাকখিবদু ‘অহানবা নুপীলাল’ নি হায়না শীংথানৈ। অদুগা মথংদা ইং ১৯৩৯ গী ইমা-ইবেল নুপীশিংগী ঈহৈৗ অদুনা ‘অনীশুবা নুপী লাল’নি হায়নৈ। ভারতকী রাজনীতিগী ইতিহাসতা ইং ১৯৩৯ গী ডিসেম্বর ১২ মণিপুরগী ইমা ইবেল নুপীশিংগী ঈহৌ অদু য়াম্না সিগনিফিকেন্ট ওইবনা চহী খুদিং নুমিৎসি পালন তৌই। নুমিৎ অসিমক্তদা পালন তৌবগী মরু ওইবা মরম অদুদি চহী অদুগী ঈহৈৗ অদুদা জননেতা হিজম ইরাবতকী মমি চাওনা তারকপদুদা বৃটিশশিংগী মকোক চিকপগী মরম অমা ওইরকখিবদুনি। অদুগা রাজনীতিগী মীৎয়েংদা য়েংলুরগা ইং ১৮৯১ গী এপ্রিল তাং ২৭ দা মণিপুর স্না কোনুংগী ফিরাল চিংথরগা বৃটিশকী ইউনিয়ন জ্যাক ফিরাল পাইহনখিবা অমদি বৃটিশ লৈঙাক্কী মখাদা নিংথৌ পনবা লৈবাক মণিপুরদা অপুনবা নুপীগী রাজনীতি ঈহৌ অমা লাকখিবদুনি।
তৌববুদি ১৯০৪ দা বৃটিশ পোলিটিকেল রেসিডেন্সি মৈ থাবগী দায় নুপাশিংদা মরাল শিখিবগী মায়োক্তা মৈতৈ ইমা ইবেলশিংনা ঈহৈৗ শাগৎলকপা হৌখ্রবসু ইং ১৯৩৯ দা হিজম ইরাবতকী লমঝিং মখাদা অনীশুবা নুপীলাল অদুদি মায় পাকখি অমসুং ঈহৈৗ অদুদা অপুনবা শক্তিগী মগুণ খংবা ঙমখি।
ঙসিসু মণিপুরদা নুপীগী ঈহৌ নুপীলান লেপ্তুনা চত্থরি। মসিবু কনাগুম্বনা অহুমশুবা নুপীলাল হায়নরি। কাঙলুপকী ঈরাংনা মরম ওইদুনা মণিপুরনা ৱারবা তাঞ্জাসিদসু অদুঙৈগী পুৱারীগী নুপীলালদা ইমা ইবেলশিংনা লৌখিবা থৌদাং অদু ঙসিসু চাওনা লৌদুনা চৎলি। মণিপুরদা হৌজিক্কী ওইরিবা ফীভম অসিদা ইমা ইবেলশিংনা লৌরিবা থৌদাংসি শীংথাদবা ঙমদে। কাঙলুপকী ঈরাংসিদা মণিপুরদা ইমা ইবেলশিংনা ময়ামগীদমক লৌরিবা থৌদাংবু কেন্দ্র অমসুং রাজ্যগী সরকার খংদবা নত্তে, কেন্দ্রগী স্বরাস্ট্র মন্ত্রী অমিত শাহসু খংদবা নত্তে। মণিপুরী পুৱারীগী শীংথাবা য়াবা অখন্নবা নুমিৎ খরা ত্রিপুরাদসু চহী খুদিং পালন তৌদুনা লাক্লি। মদুগী মনুংদা ইতিহাসকী নুপীলাল নুমিৎ পালন তৌদুনা লাকপসি চহী ফনা কুইরে। চোইজাইননা তাবা খুন্নাই অসিনা হোৎনবা কনবদগী হন্দক ইং ২০২৩ এপ্রিলদা মণিপুরগী অমুকোগী মতেং লৌরগা খোয়াই ডিষ্ট্রিক্টতা নুপী লালগী মীতম অমা খিনবা ঙমখ্রে। নুমিৎ অসিগী ৱাহন্থোক চাওনা লৈনননবা হন্দক ৮৪ শুবা নুপীলাল নুমিৎ অসি মণিপুরী লিটরেরী এন্ড কালচারেল ফোরামনা অমুকোগা খুৎশম্নরগা ডিসেম্বর ১২ দা পাঙথোকখি।
কোর্টেসি - মরূপ
0 কমেন্ট:
কমেন্ট তৌবিয়ু