আপডেট:
image

বাংলাদেশকী অইবা সনাতোন হামোমনা ইবা ‘অদুঙৈগী নীংতম্বদু’ হায়না মিংথোনবা শৈরেংগী লাইরিক অমা ফোংখ্রে

                               বাংলাদেশকী মীতৈশিংসু মীতৈ ময়েক তম্বীবা চঙই: রাধাকুমার

ইম্ফাল, ফেব্রুয়ারি ২০ : বাংলাদেশতা লৈরিবা ইবা-পাবা ঙম্বা মহৈরোয়শিংদা মীতৈ ময়েক ইবা-পাবা তম্বীবা তঙাইফদ্রে হায়না থবক্তগী পোত্থারবা কাংজম রাধাকুমার আই এ এসনা ফোঙদোকখ্রে।

ৱাফম অসি ঙসি লংথবাল কুঞ্জ ময়াই লৈকায়দা লৈবা ডা.কমল লিটরেরি কমপ্লেক্সতা বাংলাদেশকী অইবা সনাতোন হামোমনা ইবা ‘অদুঙৈগী নীংতম্বদু’ হায়না মিংথোনবা শৈরেংগী লাইরিক অমা মীতৈ ময়েক্তা নমথোক্তুনা ফোঙবগী থৌরমদা অখন্নবা মীথুঙগী ৱারোল পীবদা ফোঙদোকখিবনি।

মহাক্না মখা তানা হায়খিবদা, লাইরিক ফোঙবা হায়বসি অইবগী ইমুং-মনুঙনা হরাওবা থবক নত্তে। মরমদি লাইরিক লৈদিুনা পাবীনবা মী লিকই। অমরোমদা মীতৈ ময়েক্তা ইদুনা ফোঙলকপা হায়বসিনসু অমুক্কা হেন্না পাবীনবা ৱাৎকদৌরিবা হায়খি।

ঙসিগী লাইরিক ফোঙবগী থৌরম অদুদা কনভিনর মণিপুরী লেঙগ্বেজ এদভাইজরি বোর্দ সাহিত্য একাদেমী রাজেন তোইজাম্বনা অথোইবা মীথুং, নহারোল সাহিত্য প্রেমী সমিটি ইম্ফালগী প্রেসিদেন্ট নাওরোইবম ইন্দ্রমনিনা থৌরম মপু ওইখি। সাহিত্য পরিষদ ইম্ফালগী জোইন্ট সেক্রেটারি ডা. এল রামেশ্বরনা তরাম্না ওকপগী ৱারোল পীখি অমদি নহারোল সাহিত্য প্রেমী সমিটি ইম্ফালগী জেনারেল সেক্রেটারী ডা. ঐচ তেম্বনা থাগৎ ৱারোল পীখি।

বাংলাদেশকী অইবা সনাতোন হামোমগী ঙসি ফোঙলিবা শৈরেং-লাইরিক অদুদা য়াওবা শৈরেংশিংদগী খনগৎলবা শৈরেং খরা লমদমসিগী অইবা অমসুং অইবীশিংনা পাথোকখি। শৈরেং পাথোকখিবশিংদি লাইশ্রম মধুমঙ্গল, নাওরেম রাজেন্দ্রো, তেলেম বিরেন্দ্রজিৎ, আর কে মিনা, রিতা থোকচোম অমসুং রোমোলা লাইশ্রমনি। ঙসি ফোঙখিবা লাইরিক অদু অশাংবা কম্ম্যুনিকেসন ইম্ফালনা শীনলাঙদুনা ফোঙখিবনি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: