দাঃ ৱাইখোম রোশনী দেবীনা ইবা লাইরিক ৪ ফোংখ্রে
ইম্ফাল, মার্চ ৭ : সনা কোনুংনা শীনদুনা দাঃ ৱাইখোম রোশনী দেবীনা ইবা লাইরিক ৪ ঙসি রাজ্য সভাগী এম পি নিংথৌ সনাজাওবা লৈশেম্বনা স্তেত অসিদসু নৌনা ফোঙবগা লোয়ননা হায়রিবা লাইরিকশিং অদু মণিপুর স্তেত সেন্ত্রেল লাইব্রেরিদা থম্নবা চীফ লাইব্রেরিয়ান্দা খুৎশিন্নখে।
সনা কোনুংদা পাঙথোকখিবা ঙসিগী থৌরম অদুদা রাজ্য সভাগী এম পি নিংথৌ সনাজাওবা লৈশেশ্বনা চীফ গেস্ত, নিংথৌ সনাজাওবা লৈশেম্বগী লোয়নবী লৈমরেম্বী অনামিকা, দাঃ ৱাইখোম রোশনী দেবী, মণিপুর স্তুেত সেস্ত্রেল লাইব্রেরিগী চীফ লাইব্রেরিয়ান আর কে উর্মিলা, উত্রা শঙলেনগী কস্তম সেক্রেতরি ইবুংহলনা প্রসিদিয়ম মেশ্বরশিং ওইনা শরুক য়াখি।
থৌরম অদুগা মরী লৈননা নিংথৌ সনাজাওবা লৈশেম্বনা হায়, দাঃ ৱাইখোম রোশনীনা চঙশিল্লিবা লম অসি মণিপুরদদি ইনৌ নৌবা অমা ওইবা মরম্না মীয়াম্না খঙবা ৱাৎলি। অদুবু মহাক্লা চঙশিল্লিবা লম অসি ইন্দিয়া অমসুং মালেমগী লৈবাক কয়ানা পান্নবা অমসুং শক খঙবিবা অমদি ওই। মহাক্না চঙশিল্লিবা লম অসি লাইনীং-লাইশোল অমসুং ধর্ম অমত্তগা মরী লৈনদে।
মহাক্কী থবকশিং অসিদি ইন্নর ইনর্জি, আত্মা অমসুং লাইত লেংগ্বেজ ইনার্জিদা য়ুম্ফম ওইবা থবক ঙাত্তনি।
মীওই অমগী পুন্সিদা শেন-থুমগী ফীবম্বু ওইরো, ইমুং-মনুংগীবু ওইরো, মশাগী মরন্নাই থবক্কীবু ওইরো হীরম অমা হেক্তদা দাও য়াদবা, অয়েৎ-অপন পীবা, তৌরু-তৌরুবা খুদীং দা মায় পাক্লক্তবা মতমদা মদুবু কোকথোকপীনবা সাইন্তিফিক ওইনা চঙশিনবা থবক অমখক্নি। মহাক্কী লাইরিকশিং অসি তুংগী মীরোলদা চাওনা কান্নবা অমা পীরক্কনি থাজৈ। মরম অসিনা লাইরিকশিং অসি ঙসি মণিপুর স্তেত সেন্ত্রেল লাইব্রেরিদা থম্ননবা খুৎশিন্নবনি। মহাক্না ঙসি তৌরিবা থবকশিং অসি লাক্কদৌরিবা চহী ৫/১০ অসিদা মীয়ান্না খঙনরক্কনি হায়বগী থাজবা চাওনা লৈ হায়নসু ফোঙদোকখি।
ঙসিগী থৌরম অদুগা মরী লৈননা দাঃ ৱাইখোম রোশনীনা ইবা 'দিভাইন হিলিং কোদ্স', 'যুনিবর্সিএল মনি কোদ্স', 'দিভাইন ইন্নর ৱার্ক জর্নেল' অমসুং 'আর্কসেন্তর সেল্ফ হিলিং লাইতকোদ্স কার্দস দেক' হায়না মিং থোনবা লাইরিক ৪ অসি ফোঙখি।
পনবা য়াবদি দাঃ ৱাইখোম রোশনীগী থবক অসিবু শীংথাবিদুনা এক্সক্লুসিব বার্ল্ড রেকোর্দনা ইং ২০২২ দা ইন্তরনেসনেল এক্সক্লুসিব পার্সনেলেতি এৱার্দ ২০২২, হোলিস্তিক হিলিং ত্রিতমেন্ত এন্দ ত্রেনিং ওর্গনাইজেসন দিল্লীনা উইমেন আইকোন গ্লোবেল এৱার্দ ২০২২, সাউথ ইস্তর্ন আমেরিকান য়ুনিবার্সিতি য়ু এস এ অমসুং ওয়েবিক য়ুনিবর্সিতি ঘানানা ওনরেরী দোত্তরেত দিগ্রী ইন হিলিং সাইন্স, লাইওন্স ক্লব দিল্লীনা উইমেন প্রেস্তিজ এৱাৰ্দ ২০২৩, ওস্ত্রপ্রেন্যুর ফোরাম ওব ইন্দিয়া দিল্লীনা বেস্ত ইনার্জি হিলর এৱার্দ ২০২৩, প্রাইদ হেল্থ এন্দ ওয়েলনেস সোসাইতি, দেরাদুন্না গোল্ডেন গিল্ড বেস্ত ইনর্জি হিলর এৱার্দ ২০২৩, এন্তি-করাপসন ফাউন্দেসন ওব ইন্দিয়া, হরিয়ানা গ্লোবেল স্তার বেস্ত ইনর্জি হিলর এৱার্দ ২০২৩. জিইল শ্রী ওরোবিন্দো সোসাইতি দিল্লীনা তিচর ইনোভেসন এৱার্দ ২০২০ অমসুং এক্সক্লুসিব ৱার্ল্ড রেকোর্দনা এক্সক্লুসিব উইমেন্স এৱার্দ ২০২৩ পীদুনা মহাকপু ইকায়খুন্নখ্রে।
সোর্স: পোক্নফম
0 কমেন্ট:
কমেন্ট তৌবিয়ু