আগরতলা, জুলাই ১২: ত্রিপুরাগী অইবী সিজা মলিনাগী ‘মল্লবা খাঙপোক শঙ’ হায়বা শৈরেং লাইরিক মণিপুরগী পাব্লিসার অশাংবা কম্মুনিকেশন, ইম্ফালনা শীন্দুনা চৎখিবা জুলাই তাং ৮, লংথাবালদা কুঞ্জদা লৈবা নহারোল সাহিত্য প্রেমী সমিতিগী অফিসতা অচম্বা থৌরম অমদা ফোঙখ্রে। লোয়ননা সমিতিগী ‘ৱাখল’ চেফোংসু ফোঙখি।

থৌরম অদু সমিতিগী প্রেসিডেন্ট ইন্দ্রমনি নাওরোইবমনা ময়াই তাংবল লৌরগা চীফ গেষ্ট ওইনা প্রোঃ নবচন্দ্র পোলেম অদুগা গেষ্ট অব অনার ওইনা সাহিত্য একাডেমি মণিপুরী বোর্ড মেম্বার অনী কেএইচ বীরলা অমসুং এসি নেত্রজিৎ শরুক য়াখি হায়রি।

পনবা য়াবদি লাইরিক অসি চৎখিবা মে তাং ৯, মরূপ পাউচেগী ৫৫ শুবা মপোক কুমওনগা মরী লৈননা আগরতলা প্রেস ক্লাবতসু ফোঙখ্রবনি।

সোর্স: মরূপ