আপডেট:
image

কালাচারেল কমপ্লেক্স শাবীয়ু: শরতচান্দ থিয়াম

ইম্ফাল, সেপ্টেম্বর ১৮ : কালাচারনা মণিপুরবু মশক তাকইদি হায়রগা কালচারদা কত্থোক্লগা চহী ৭৫ হেন্না পুন্সি চুপ্পদি কত্থোকপা য়ারোই। চহী ৪০ হেন্না কালচারগীদমক্তা কত্থোক্লম্বা ময়াম অসি লৈঙাক্না পেন্সন পীরগা, থবক পীরগসু লৈঙাক্না কালচারেল কমপ্লেক্স অমা চাউনা শাবীবা তঙাইফদ্রে হায়না সাহিত্য একাদেমী এৱার্দী অমদি এন ঈ জেদ সী সী দিমাপুর প্রোগ্রাম কম্মিটিগী মেম্বার শরতচান্দ থিয়ামনা ফোঙদোকখ্রে।
ৱাফম অসি ঙসি কংলৈ শক্তম লাংবা কাঙলুপ হাওবম মরক ইরোম লৈকায়গী চহী ৫০ মপুং ফারকপগী গোল্ডেন জুবিলিগী মরী লৈননা ফেষ্টিভেল ওব লৈতেং থাঙহাই থৌরমগা মরী লৈননা য়াইস্কুল পুলিসলেন্দদা মণিপুর দ্রামাটিক য়ুনিয়নদা পাঙথোকখিবা থৌরমদা অথোইবা মীথুংলেন ওইখিবা শরতচান্দ থিয়ামনা ফোঙদোকখিবনি।

থৌরম অদুদা মহাক্না মখা তারদুনা হায়, অচৌবা কালচারেল কমপ্লেক্স অমা শাবীবগা লোয়ননা কমপ্লেক্স অদুগী মনুংদা কলাদা কত্থোক্লবা আর্টিষ্টশিংগী নুঙবী অমমম খীল্লগা থম্বীবা য়াই। থৌরম অদুদা কালচারেল ৱার্কারস এন্দ এক্টিভিটিজ ফোরাম মনিপুরগী প্রেসিদেন্ট বুধ চিংথামনা প্রেসিদেন্ট অমদি সঙ্গীত নাটক একাদেমী এৱার্দী কে সনাথোইবা শর্ম্মানা গেষ্ট ওব ওনার ওইনা শরুক য়াখি।

সোর্স: হুইয়েন লানপাউ.

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু