কালচারেল ফোরামগী ফাউন্ডেশন ডে’দা ত্রিপুরাগী সোরোকখাইবম গম্ভিনী ওকখ্রে
আগরতলা, মে ২৪ : দি কালচারেল ফোরাম মণিপুরনা হন্দক চহীগী সাহিত্য একাডেমি এৱার্ডি ত্রিপুরাগী সোরোকখাইবম গম্ভিনীবু ওকখ্রে। ফোরাম অসিগী চহী ৬৬ শুবা ফাউন্ডেশন ডে’গী থৌরম অমা চৎখিবা মে ১৭ জৱহরলাল নেহেরু মণিপুর ডান্স একাডেমি অডিটোরিয়ম ইম্ফালদা পাঙথোকখি।
থৌরমদা সাহিত্য অমদি কালচারগী লমদা কত্থোক্লবা শক্নাইরবা মীওই কয়াদা পুক্নিং থৌগৎপা ওইনা মনা মথুম য়েন্থোকপগী থৌরম অমসু পাঙথোকখি। কুমওন থৌরম অদু প্রোঃ কোইজম শান্তিবালানা থৌরম মপু ওইরগা চীফ গেষ্ট ওইনা পোত্থারবা লেঃ জেনারেল ড. কোন্সম হিমালয় অদুগা গেষ্ট অব অনার ওইনা ডিএম য়ুনিভার্সিটি ভাইস চ্যান্সেলর ওইরম্বা প্রোঃ এন রাজমোহন সিং শরুক য়াখি।
থৌরম অসিগা মরী লৈননা ডোনার প্রো. রাজেন তোইজাম্বা, ৱাংখৈরাকপম নির্মললৈমা, প্রোঃ এইচ একেন্দ্র অমসুং একাডেমি এৱার্ডি ত্রিপুরাগী অইবী সোরোকখাইবম গম্ভিনীবু তরাম্না ওকখি। থৌরম অদুদা অনৌবা নহা ওইরিবা অইবা অইবীশিং, ফোক্লুর, নট সংকীর্তন, পার্ফোমিং আর্টস খুলং ঈশৈ শুমাং লীলা পুং নচিংবগী লমদা কত্থোক্লবা অখন্নবা মীওই ৩৪ দসু পুক্নিং থৌগৎপা ওইনা শেলগী মনা মথুম পীদুনা ইকাইখুম্নখি। থৌরমদা ইমাখোলগী প্রেসিডেন্ট ড. রাজকুমার গুণচন্দ্র, শক্নাইরবা অইবী অচৌ শর্ম্মা, ৱাই মনিমোহন, এস প্রহ্লাদ শর্মা, ক্ষেত্রি রাজেন নচিংবা শরুক য়াখি হায়রি।
সোর্স: মরূপ
0 কমেন্ট:
কমেন্ট তৌবিয়ু