• 534
• ১৯শে অক্টোবর ২০২২ ইং
• Share on:

কনা লৈজদ্রবা আসাম, ত্রিপুরা অমদি জিরিদা লৈরিবা চহী য়াম্লবা অহলশিংদা ৱামাগী মায়কৈদগী মতেং পাংখ্রে

ইম্ফাল, ওক্টোবর ১৮: ৱাখল্লোন মান্নবা অপূনবা (ৱামা) কংলৈপাক্না লমদম অসিদা খুন্দামিন্নরিবা ফুরুপশিংগী মরক্তা অৱা-অনা তারবা ইচিল-ইনাওশিংদা লেপ্তনা মতেং পাংদুনা লাকপগী শরুক অমা ওইনা ৱামা কংলৈপাক্কী মীহুৎ ওইনা এসিষ্টেন্ট ওর্গানাইজেসন সেক্রেটারি অসেম ইন্দ্রজিৎ মীতৈনা লুচিংবা মীওই ৫না শাবা কাঙবু অমনা আসাম, ত্রিপুরা অমদি জিরিদা লৈমিন্নরিবা ইচিং-ইনাওশিংদা মতেং পাংবগী খোঙচৎ অমা চৎখ্রে হায়না ৱামা কংলৈপাক্কী সেক্রেটারি পাব্লিসিটি এন দেবেশ্বরনা থাদোরকপা চেরোল অমনা ফোঙদোরক্লি।

খোঙচৎ অসিগী মনুং চন্না আসামগী লক্ষিপুর, কাছার দিষ্ট্রিক্টকী মনুংন লৈবা মহাক্কীনি হায়বদা কনাসু লৈত্রবা হিংবদা ৱানা হিংলিবা অহল ওইরবী তোলেন খুল মমাঙ লৈকায় ৱার্দ নম্বর ৪দা লৈবা মশাগী চহী ৭৮ শুরবী থোকচোম শ্যামাম মপুরোইবা লৈখিদ্রবা থোকচোম থোংলেনদা ৱামাগী মায়কৈদগী চান-থক্নবা অমদি শেল ওইনা অঙম্বা মতেং পাংখি।

য়াম্না নুংঙাইবা অমনা অসিগুম্লবা খোৎচৎ অসিদা লমদম অসিগী ময়িাম্না শরুক য়ামিন্নদুনা চৎমিন্নখিবা অদুনি। খোঙচৎ অসিদা মফম অদুদা লৈরম্বা ইচিল-ইনাওশিংনসু ইম্ফালদগী ৱামা কংলৈপাক্কী থৌমীশিংদা লাক্তুনা অঙম্বা মতেং পাংজবা অসিদা হরাও নুংঙাইবা ফোঙদোকপীরকখিবা উবদা নুংঙাইবা অমদি অপেনবা ৱামাগী থৌমীশিংদসু ফাওখি। লোয়ননা মফম অদুগী ৱার্দ মেম্বার ওইরিবী নোংথোম্বম রোমনিনা চাউনা শরুক য়াদুনা অহলশিংগীদমক থৌদাং লৌবীরগনি হায়না ফোঙদোরকখিবা অসি ৱামাগী মায়কৈদগী হায়নিংঙাই লৈতনা থাগৎপা ফোঙদোকচরি।

লোয়ননা লমদম অসিদা লৈরিবা অৱা-অনা তারবা কয়াশিং অসিবু লমদম অসিদা লৈরিবা পুকচেল চাউরবা, চাউরবী কয়ানসু মখা তানা মতেং পাংবীনবা হায়জরি। লোয়ননা মখা তানা ঙসিদগী ৱামাগী ইচিল-ইনাওশিংনা মতেং পাংনবগীদমক ত্রিপুরাদা খুন্দাদুনা লৈরিবা ইচিল-ইনাউশিংগীদমক খোঙশান্নবা থৌরাং হৌরে। ৱামাগী অসিগুম্বা তেংবাঙ খোঙচৎ অসিবু নুংশিবীদুনা তুং কোয়না মীয়ামগী মতেং পাংবা ঙম্লবগীদমক ময়িাম্নসু মতেং পাংবীয়ু।

পুকচেল চাউরবা, চাউরবীশিংনা ৱামানা ময়ামগী মতেংদগী অৱা-অনা তারবা কনা লৈজদ্রবা মীওইশিংদা মতেং পাংবগী চত্থরিবা খোঙচৎ অসিদা তেংবাঙবীনিংশিংনা জি পে নম্বর ৯০০৫৩৮০২৭৪ দা অঙম্বা মতেং পাংবীয়ু হায়রি। লোয়ননা লাক্রিবা চৈচৎ ওক্টোবর ২৭ হিয়াঙ্গৈগী নীনি পানবা নিংঙোল চাক্কৌবনা লাকপদা মরুওইনা মীতৈ নিংঙোলশিংদা য়াইফ পাউজেল পীজরি হায়রি।

সোর্স: হুইয়েন লানপাউ